ىستامبۇلدا ءىرى تەراكت جاساماق بولعان "يسلام مەملەكەتى" توبىنىڭ ەكى جاقتاسى ۇستالعان. ولار 2017 جىلدىڭ 1 قاڭتارىندا Reina كلۋبىندا بولعان قاندى وقيعاعا ۇقساس شابۋىلعا دايىندالعان دەپ حابارلايدى "centralasian.org" CNN Turk باسىلىمىنا سىلتەمە جاساپ. 

وزبەكستاننىڭ ەكى ازاماتى ۇستالعان. ولاردان قارۋ-جاراق، جارىلعىش قۇرالدار تاركىلەنگەن. قۇقىق قورعاۋ ورگاندارىنىڭ اقپاراتىنا قاراعاندا، ولار ىستامبۇلدا تۋريستەر كوپ جۇرەتىن جەرلەردىڭ ءبىرىن تاڭداپ، دايىندىق جۇرگىزگەن.

1 قاڭتاردا Reina كلۋبىنا جاسالعان شابۋىلدان 39 ادام قايتىس بولىپ، 69 ادام جارالانعان. تۇنگى كلۋبتا سول ۋاقىتتا 600-گە تارتا ادام بولعان. كەيىن شابۋىلدى جاسادى دەگەن وزبەكستان ازاماتى ابدۋلكادىر ماشاريپوۆ ۇستالدى.

"يسلام مەملەكەتى" تەرروريستىك ۇيىمى ىستامبۇلدىڭ تۇنگى كلۋبىنداعى شابۋىلدى مويىندارىنا العان.

“The Qazaq Times”