Ыстамбұлда ірі теракт жасамақ болған "Ислам мемлекеті" тобының екі жақтасы ұсталған. Олар 2017 жылдың 1 қаңтарында Reina клубында болған қанды оқиғаға ұқсас шабуылға дайындалған деп хабарлайды "centralasian.org" CNN Turk басылымына сілтеме жасап. 

Өзбекстанның екі азаматы ұсталған. Олардан қару-жарақ, жарылғыш құралдар тәркіленген. Құқық қорғау органдарының ақпаратына қарағанда, олар Ыстамбұлда туристер көп жүретін жерлердің бірін таңдап, дайындық жүргізген.

1 қаңтарда Reina клубына жасалған шабуылдан 39 адам қайтыс болып, 69 адам жараланған. Түнгі клубта сол уақытта 600-ге тарта адам болған. Кейін шабуылды жасады деген Өзбекстан азаматы Абдулкадыр Машарипов ұсталды.

"Ислам мемлекеті" террористік ұйымы Ыстамбұлдың түнгі клубындағы шабуылды мойындарына алған.

“The Qazaq Times”