فوتو: https://www.vladtime

اقش مەملەكەتتىك دەپارتامەنتى ۋكرايناعا Javelin تانكىگە قارسى زىمىراندارىن ساتاتىن بولدى. مەملەكەتتىك دەپارتامەنتتىڭ حابارلاۋىنشا، كيەۆ 40 ملن دوللارعا 150 دانا قارۋ-جاراق ساتىپ الىپ، اتالعان جۇيەلەر ارقىلى قورعانىس سالاسىن كۇشەيتپەك.

اقش-تان قارۋ ساتىپ الۋ ءوتىنىشىن كيەۆ جازدا جولداعان ەدى. 2018 جىلى مەملەكەت ۋاشينگتوننان 200 زىمىران مەن 37 ۇشىرۋ قۇرىلعىلارىن ساتىپ الدى. بيىل تامىزدا ۋاشينگتون كيەۆكە اسكەري كومەك بەرۋ شەشىمىن قايتا قاراماق بولعان. Politico مالىمەتى بويىنشا، ترامپ كيەۆكە بولىنگەن قارجىنىڭ امەريكا مۇددەسى تۇرعىسىنان پايدالانىلاتىنىنا كوز جەتكىزگىسى كەلەدى. قارجى قۇرىلىمىنا تەكسەرىس جۇرگىزۋشىلەردىڭ اراسىندا اقش قورعانىس ءمينيسترى مارك ەسپەر مەن اقش پرەزيدەنتىنىڭ ۇلتتىق قاۋىپسىزدىك جونىندەگى كومەكشىسى دجون بولتون بار. اقش قورعانىس مينيسترلىگىنىڭ مالىمەتتەرىنە سايكەس، ۋاشينگتوننان كيەۆكە 2014 جىلدان باستاپ كورسەتىلگەن اسكەري كومەك كولەمى $1,5 ملرد-قا جەتكەن.

كەيىننەن 20 قىركۇيەكتە اقش كونگرەسس وكىلدەرىنىڭ پالاتاسى ۋكرايناعا اسكەري كومەككە $ 250 ملن ءبولۋدى ماقۇلدادى. ءتيىستى تارماق فەدەرالدىق ۇكىمەتتى ۋاقىتشا قارجىلاندىرۋ تۋرالى كونگرەسسمەندەر بەكىتكەن زاڭ جوباسىندا جازىلعان.

"The Qazaq Times"