سولتۇستىك كورەيا جاپون تەڭىزىنە قاراي كەزەكتى مارتە ەكى بالليستيكالىق زىمىران ۇشىردى. ولاردىڭ بىرەۋى كۇنشىعىس ەلىنىڭ سيمانە پرفەكتۋراسىنا قاراستى ەكونوميكالىق ايماعىنا تۇسكەن.
جاپونيا قورعانىس مينيسترلىگىنىڭ مالىمەتىنشە، سىناق بارىسىندا ەشقانداي كەمە جاپا شەكپەگەن. بۇعان قاتىستى وڭتۇستىك كورەيا تارابى زىمىرانداردىڭ ۆونسان پورتىنا جاقىن جەردەن اتىلعانىن مالىمدەدى.
كەشە ۋاشينگتون مەن پيوڭياڭ كورەيا تۇبەگىن يادرولىق قارۋدان ازات ەتۋ بويىنشا كەلىسسوزدى قايتا باستايتىنىن حابارلادى. بىلتىر قاراشادا اقش سولتۇستىك كورەيادان جاسىرىن زىمىران بازالارىن تاپقان. سول ۋاقىتتا ون ءۇش بالليستيكالىق زىمىران بازالارىنىڭ تاۋلى ايماقتاردا ورنالاسقاندىعى بەلگىلى بولىپ، ولاردى ىسكە قوساتىن قوندىرعىلار انىقتالماعان.
ايتا كەتەيىك، كحدر وسىعان دەيىن مامىر، شىلدە جانە تامىزدا سىناق جۇرگىزىپ، جاپون تەڭىزىنە قاراي بىرنەشە مارتە زىمىران ۇشىرعان بولاتىن. تامىزدىڭ وزىندە پيوڭياڭ 5 سىناقتى جۇزەگە اسىرعان. رەسمي پيوڭياڭ بۇل سىناقتاردى امەريكا مەن وڭتۇستىك كورەيا اراسىنداعى بىرلەسكەن جاتتىعۋعا قارسىلىق ەسەبىندە جۇرگىزىپ وتىرعانىن مالىمدەگەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟