بۇگىن وسپان باتىرعا ارنالعان سۋرەت كورمەسى وتەدى

وسپان باتىرعا ارنالعان سۋرەت كورمە وتەدى. فوتو: "ەر جانىبەك" قورى.

بۇگىن، 4 قىركۇيەك كۇنى الماتى قالاسىنداعى ءا. قاستەەۆ اتىنداعى مەملەكەتتىك ونەر مۋزەيىندە وسپان باتىر ءسىلامۇلىنىڭ تۋعانىنا 120 جىل تولۋىنا ارنالعان «تۇران ءرومانتيزمى» اتتى سۋرەت كورمەسى وتپەك. شارانى «ەر جانىبەك» حالىقارالىق قوعامدىق قورى مەن «TURAN-QAZAQ سۋرەتشىلەر كونسوليداتسياسى» بىرلەسىپ وتكىزۋدە.

شارانىڭ شىمىلدىعى 16:00 -دە اشىلادى.

ۇيىمداستىرۋشىلار اتالعان ونەر كورمەسىن «رۋحاني جاڭعىرۋ» باعدارلاماسى اياسىندا وتانشىلدىق، ۇلتتىق رۋحتى دارىپتەۋ، سونداي-اق، وتكەن عاسىرداعى قازاق ۇلتازاتتىق كۇرەسىنىڭ ليدەرى وسپان باتىردى، ونىڭ كۇرەس جولى مەن ەرلىك رۋحىن ۇلىقتاۋدى ماقساتىندا وتكىزىپ وتىر.

كورمەگە قاتىسقان كوركەمونەرشىلەردىڭ تۋىندىلارىن 4 قازاننان 28 قازانعا دەيىن جالعاسادى. قاتىسۋشى ۇمىتكەرلەردىڭ تۋىندىلارى ارنايى قازىلار القاسى جاعىنان ساراپتالىپ، جۇلدەگەنلەر انىقتالادى. وسى ارالىقتا ءباسپاسوز جانە ونەرتانۋشىلار ورتاسىندا دا تالقىلاۋلار وتكىزىلمەك. كورمە قورىتىندىسى 25 قازاندا جاسالىپ، جۇلدەگەرلەر ماراپاتتالادى.

وسپان باتىر اتىنداعى باس جۇلدە 1000 000 تەڭگە (1 ادام).