قازاق كينوسىنىڭ تاريحىنداعى ەڭ قىمبات كارتينالاردىڭ ءبىرى «كوشپەندىلەرگە» 2003 جىلى 30 ميلليون دوللار قاراجات بولىنگەن ەدى. تاريحي فيلمدەردىڭ قاتارىن تولىقتىرۋعا مۇددەلى «توميريس» ءفيلمىنىڭ بيۋدجەتى جاريالاندى.
"قازاقفيلم" اق پرەزيدەنتى ارمان اسەنوۆ وسىعان دەيىن "قازاق حاندىعى: الماس قىلىش" جانە "قازاق حاندىعى: التىن تاق" ءفيلمىن شىعارعان كەزدە "شىڭعىسحاننىڭ" 38 سەريالىن تۇسىرگەن باتىر اتتى رەجيسسەردى شاقىرعانىن ايتتى. ونىڭ سۇراعان گونارارىن قالتا كوتەرمەيتىن بولعان سوڭ باتىرمەن قوشتاسىپ، 10 ملن دوللارعا رەجيسسەر رۋستەم ابدراشەۆ "قازاق حاندىعىن" تۇسىرگەن. «قازاقفيلم» جەتەكشىسى اسەنوۆتىڭ سوزىنە سەنسەك، ەكى جىل بويى ەل تاعاتسىزدانا كۇتكەن «توميريس» «ءفيلمنىڭ تۇسىرىلىمىنە 10 ملن-عا جۋىق دوللار قاراجات جۇمسالدى». وسى تۇستا مادەنيەت جانە سپورت ۆيتسە-ءمينيسترى نۇرعيسا داۋەشەۆ "توميريس" فيلمىنە 2 ملرد 259 ملن تەڭگە جۇمسالعانىن ناقتىلادى.
– كينو تەز اقشا تابۋدىڭ كوزى ەمەس، بۇل بيزنەس ەمەس. كينو – كوپ اقشا، بىراق ول اقشا ارتىعىمەن ورالادى. كينونى، مادەني مۇرانى بيۋدجەتپەن سالىستىرۋعا كەلمەيدى. ءبىز ءوز ۇرپاقتارىمىزعا قالدىرۋعا، تاريحىمىزدى جاساۋعا تىرىسامىز، – دەدى ارمان اسەنوۆ.
اقان ساتاەۆتىڭ "توميريس" كەڭ اۋقىمدى تاريحي دراماسىنىڭ پرەمەراسى 25 قىركۇيەكتە استانادا، ال 26 قىركۇيەكتە الماتىدا وتەدى. كينوتەاترلاردا ول 27 قىركۇيەكتەن باستاپ كورسەتىلە باستايدى. ءفيلمدى "قازاقفيلم" كينوستۋدياسى مادەنيەت جانە سپورت مينيسترلىگىنىڭ تاپسىرىسىمەن "ساتايفيلم" كينوستۋدياسىمەن تۇسىرگەن.
ەكى جارىم جىلعا جۋىق جۇمىستى قاجەت ەتكەن داقپىرى زور فيلم 93 كۇندە تۇسىرىلگەن. ءتۇسىرىلىم الاڭىندا ءبىر ۋاقىتتا 400-800 ارالىعىندا ادام جۇمىس ىستەگەن دەسەدى. ۇلكەن ءتورت لوكاتسيا – ءشۇنجا، قاپشاعاي جانە الماتى، كوكشەتاۋ. سونىمەن قاتار، رەجيسسەر اقان ساتاەۆ باستى ءرولدى سومداعان اكتريسا الميرا تۇرسىن ءۇشىن بۇل فيلم دەبيۋت ەكەنىن اتاپ ءوتتى. بۇعان قاتىستى فيلم رەجيسسەرى "بىز ەڭ باسىندا مۇمكىن ۆاۆيلون، كير پاتشاسى بار كينو بولىكتەرىن ماروككودا تۇسىرەمىز دەپ ويلاعانبىز. بىراق، ءبىزدىڭ سۋرەتشىلەرىمىز بارىپ، ول جاقتىڭ دەكوراتسيالارىن كورىپ كەلگەننەن كەيىن كىشكەنە قاراجات جاعىن ۇنەمدەۋ تۋرالى شەشىم قابىلداندى", – دەدى.
«تۇمار پاتشايىم» 2007 جىلدان بەرى وتاندىق كينو سالاسىندا ەڭبەك ەتىپ جۇرگەن اقان ساتاەۆتىڭ 14-ءشى ءفيلمى. تۋىندى ساق تايپالارى پاتشايىم تۇماردىڭ قولباسشىلعىمەن ۇلى دالانى باسىپ العىسى كەلگەن پارسى پاتشاسى ءىى كيرگە جويقىن تويتارىس بەرگەنى تۋرالى باياندايدى. كىشكەنتاي قىزدان ايبىندى جاۋىنگەرگە اينالعان، جاقىندارىنان ايرىلىپ، ساتقىنداردان ءوشىن العان جانە ساق تايپالارىن ءوز بيلىگى استىندا بىرىكتىرگەن ارۋدىڭ تاعدىرى ايتىلادى.
تاريحي كارتيناعا وتاندىق تانىمال كينوجۇلدىزدار ەرىك جولجاقسىنوۆ، بەرىك ايتجانوۆ، ەركەبۇلان دايىروۆ، ازامات ساتىبالدى، ءادىل احمەتوۆ، ايجان لايدجي، ايان وتەپبەرگەن، اسىلحان تولەپوۆتەر تۇسكەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟