«ۋكرينفورم» اقپارات كوزىنىڭ مالىمەتىنشە، ادىلەت مينيسترلىگى اقش پرەزيدەنتى دونالد ترامپ پەن ۋكراينا باسشىسى ۆولوديمير زەلەنسكيدىڭ سويلەسۋىنەن ەشقانداي زاڭ بۇزۋشىلىق انىقتاماعان.

«تەكسەرۋ جۇمىستارىنا سۇيەنە وتىرىپ، ادىلەت مينيسترلىگىنىڭ قۇجاتتارىنا سايكەس، تەلەفون ارقىلى تىلدەسۋدىڭ ستەنوگرامماسىنان ەشقانداي زاڭ بۇزۋشىلىق تابىلمادى. وسىعان بايلانىستى قانداي دا ءبىر قوسىمشا تەكسەرۋلەر جۇرگىزۋدىڭ قاجەتى جوق. مينيسترلىكتىڭ ءتيىستى بقلىمدەرى اتالمىش قورىتىندىمەن كەلىسىپ، ءىس جابىلدى» - دەپ مالىمدەدى ادىلەت مينيسترلىگىنىڭ وكىلى كەرري كيۋپەك.

بۇعان دەيىن ترامپ پەن زەلەنسكيدىڭ تەلەفون ارقىلى سويلەسۋى اقش ساياسي ەليتاسى اراسىندا ۇلكەن داۋ تۋعىزعان. ايىپتاۋشى تاراپتىڭ سوزىنشە، اڭگىمە بارىسىندا اقش پرەزيدەنتى ۋكراينا باسشىسىنا قىسىم كورسەتكەن. كەيىننەن ترامپقا يمپيچمەنت جاريالاۋ باستاماسى كوتەرىلگەن.

قىركۇيەك ايىنىڭ 25-ءى كۇنى اق ءۇي اكىمشىلىگى ترامپ پەن زالانسكي تىلدەسۋىنىڭ ستەنوگرامماسىن جاريالاعان.

"The Qazaq Times"