اقش كونگرەسس وكىلدەرىنىڭ پالاتاسى ۋكرايناعا اسكەري كومەككە $ 250 ملن ءبولۋدى ماقۇلدادى. ءتيىستى تارماق فەدەرالدىق ۇكىمەتتى ۋاقىتشا قارجىلاندىرۋ تۋرالى كونگرەسسمەندەر بەكىتكەن زاڭ جوباسىندا جازىلعان.
قۇجاتتا ۋكرايناعا اسكەري كومەك كورسەتۋگە قاراجات ءبولۋ قۇراما شتاتتارىنىڭ بيۋدجەت جوباسى ەنگىزىدگەننەن باستاپ جالعاساتىن بولادى دەلىنگەن. كيەۆكە اسكەري كومەك كورسەتۋگە قاراجات ءبولۋ باعدارلاماسى، ەگەر ونى زاڭ شىعارۋشىلار ۇزارتپاسا، 30 قىركۇيەكتە اياقتالۋى مۇمكىن. وكىلدەر پالاتاسىن باقىلاۋشى دەموكراتتار اقش پرەزيدەنتى دونالد ترامپ كومەك رەتىندە بەرىلەتىن قارجىلاردىڭ وسى بابىن قايتا قاراۋى مۇمكىن.
بيىل تامىزدا ۋاشينگتون كيەۆكە اسكەري كومەك بەرۋ شەشىمىن قايتا قاراماق بولعان. Politico مالىمەتى بويىنشا، ترامپ كيەۆكە بولىنگەن قارجىنىڭ امەريكا مۇددەسى تۇرعىسىنان پايدالانىلاتىنىنا كوز جەتكىزگىسى كەلەدى. قارجى قۇرىلىمىنا تەكسەرىس جۇرگىزۋشىلەردىڭ اراسىندا اقش قورعانىس ءمينيسترى مارك ەسپەر مەن اقش پرەزيدەنتىنىڭ ۇلتتىق قاۋىپسىزدىك جونىندەگى كومەكشىسى دجون بولتون بار.
اقش قورعانىس مينيسترلىگىنىڭ مالىمەتتەرىنە سايكەس، ۋاشينگتوننان كيەۆكە 2014 جىلدان باستاپ كورسەتىلگەن اسكەري كومەك كولەمى $1,5 ملرد-قا جەتكەن.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى