زەلەنسكيدىڭ كومانداسى ۇسىنعان رەفورما جۇزەگە اسقان جاعدايدا تەك ۋكراينا ازاماتتارى عانا جەردى ساتىپ الا الادى. بۇل تۋرالى ۋكراينا پرەزيدەنتى ۆلاديمير زەلەنسكي مالىمدەدى.
«جەر ۋكرايندارعا تيەسىلى. ۇكىمەتپەن ۇسىنىلاتىن ۇلگىلەردە جەردى تەك ۋكرايندىق ازاماتتار نەمەسە ۋكرايندىق كومپانيالار عانا ساتىپ الا الادى»، – دەدى ول. سونداي-اق پرەزيدەنت ۇكىمەت الدىنا 1 قازانعا دەيىن وسى رەفورمانىڭ جوباسىن ازىرلەۋ مىندەتىن قويدى.
ۋكراينادان نارىقتىق جاعدايلاردا جەر اينالىمىن زاڭداستىرۋدى دۇنيەجۇزىلىك بانك پەن حالىقارالىق ۆاليۋتا قورى (حۆق) تالاپ ەتەدى. ۋكراينا مەن حۆق اراسىنداعى ىنتىماقتاستىق تۋرالى مەموراندۋمدا جاڭا نەسيەلىك باعدارلاما اياسىندا كيەۆ پەن دۇنيەجۇزىلىك بانكتىڭ ساراپشىلارى اۋىل شارۋاشىلىعى ماقساتىنداعى جەر نارىعىن ەنگىزۋدى كوزدەيتىن زاڭ جوباسىن ازىرلەدى. مەموراندۋم اۆتورلارىنىڭ ايتۋىنشا، الداعى ۋاقىتتاردا ۋكراينادا جەر رەفورماسىن جۇرگىزۋدىڭ ارتىقشىلىعىن تۇسىندىرەتىن اقپاراتتىق ناۋقان باستالدى.
قازىر ۋكراينادا اۋىل شارۋاشىلىعى ماقساتىنداعى جەردى ساتۋعا موراتوري جاريالانعان.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى