كورنەكى سۋرەت. https://www.vaticannews.va

ەۋروپارلامەنت وكىلدەرى Brexit كەلىسىمى بويىنشا ارنايى جيىن وتكىزىپ، ۇلىبريتانيانىڭ وداق قۇرامىنان شىققاننان كەيىنگى جوسپارلارىن تالقىلاماق.

ەۋرودەپۋتاتتار بريتانيا بولاشاعىنا: ەكونوميكالىق جاعداي، سولتۇستىك يرلانديامەن كەدەندىك ماسەلە، حالىق تولقۋلارى جانە ۇكىمەتتەگى ساياسي قيىندىقتارعا الاڭداۋشىلىق ءبىلدىرىپ وتىر. پارلامەنت جۇمىسىن 14 قازانعا دەيىن ۋاقىتشا توقتاتقان پرەمەر-مينيستر بوريس دجونسون قاۋىمدار پالاتاسىنىڭ قارسىلىعىنا قاراماستان، Brexit-ءتىڭ قالاي دا جۇزەگە اساتىنىنا سەنىم ءبىلدىرىپ وتىر.

ۇلىبريتانيا ەو-دان بيىل 29 ناۋرىزدا، ياعني قاۋىمداستىقتان شىعۋ تۋرالى جازباشا حابارلاما بەرىلگەننەن كەيىن ەكى جىل وتكەن سوڭ كەتۋى كەرەك ەدى. الايدا بريتان پارلامەنتى قاۋىمدار پالاتاسىنىڭ دەپۋتاتتارى بريۋسسەل مەن بۇرىنعى پرەمەر-مينيستر تەرەزا مەي ۇكىمەتى اراسىندا قول جەتكىزىلگەن Brexit شارتتارى تۋرالى كەلىسىمنىڭ جوباسىن ءۇش رەت كەرى قايتارعان. ناتيجەسىندە ەۋروپالىق وداق Brexit-ءتى الدىمەن ءساۋىر نەمەسە مامىرعا، سودان كەيىن 31 قازانعا بەكىتۋگە كەلىستى. ساناۋلى جدىلدار ىشىندە بىرنەشە قيىندىققا تاپ بولعان مەي ۇكىمەتتى تىعىرىقتان شىعارا الماي، وتستاۆكاعا كەتۋگە ءماجبۇر بولدى.

"The Qazaq Times"