كيەۆ اۋداندىق سوتى ۋكراينانىڭ ەكس-پرەزيدەنتى پەتر پوروشەنكونىڭ اكتيۆتەرىنە كىرەتىن «رىبالسكيدەگى كۋزنيتسا» زاۋىتىنىڭ مۇلكى مەن كورپوراتيۆتىك قۇقىقتارىنا تىيىم سالدى.
بۇل تۋرالى ۆيكتور يانۋكوۆيچتىڭ پرەزيدەنتتىك كەزىندە ونىڭ اكىمشىلىگى باسشىسىنىڭ ورىنباسارى لاۋازىمىن اتقارعان زاڭگەر اندرەي پورتنوۆ حابارلادى.
«پەچەرسكي سوتى پوروشەنكوعا تيەسىلى باستى اكتيۆەردىڭ ءبىرى «رىبالسكيدەگى كۋزنيتسا» زاۋىتىنىڭ كورپوراتيۆتىك قۇقىعىنا تىيىم سالدى»، – دەپ جازدى ول ءوزىنىڭ Telegram پاراقشاسىندا.
پەتر پوروشەنكو 18, 27 قىركۇيەك پەن 3 قازاندا گبر-دىڭ كەزەكتى جاۋاپ الۋ پروتسەسىنە شاقىرتىلعان. ۋكراينانىڭ ەكس-پرەزيدەنتى «رىبالسكي كۋزنيتسا» زاۋىتىن ساتۋ، سونىمەن قاتار، «پرياموي» تەلەارناسىن ساتىپ الۋ – ساتۋ كەزىندە سالىق تولەۋدەن جالتارۋ ءىسى بويىنشا مەمبيۋروعا ەكى رەت جاۋاپ بەردى.
قازىرگى ۋاقىتتا پوروشەنكوعا بىرقاتار قىلمىستىق ىستەر، اتاپ ايتقاندا مەملەكەتتىك وپاسىزدىق، قىزمەت بابىن اسىرا پايدالانۋ، قىلمىستىق كىرىستەردى زاڭداستىرۋ، سالىقتان جالتارۋ، سوت بيلىگىن ۋزۋرپاتسيالاۋ ارەكەتى جانە ۋكراينا مينيسترلەر كابينەتىنىڭ 2016 جىلى جوعارعى رادا كواليتسياسى بولماعان كەزدە زاڭسىز تاعايىنداۋ ىستەرى بويىنشا تەرگەۋ جۇمىستارى باستالعان.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
Oyan, Qazaqstan قوزعالىسىنىڭ تاعى ءبىر بەلسەندىسىن پوليتسيا بولىمىنە شاقىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
ەكس-مينيستر ايەلىن ساباپ ءولتىردى دەگەن كۇدىكپەن ۇستالدى