اقتوبە وبلىستىق پوليتسيانىڭ حابارلاۋىنشا، اقتوبە قالاسىندا ءتىس ەمحاناسىن باسىپ الىپ، ءبىر ايەلدى كەپىلدىككە ۇستاعان ەر ادام كەلىسسوزدەن ناتيجە شىقپاعاننان كەيىن ولتىرىلگەن. وقيعا سارسەنبىگە قاراعان ءتۇنى بولعان. 1993 جىلى تۋعان ا. ەسىمدى ەر ادام بۇرىن سوتتالعان ەكەن. ول ارنايى وپەراتسيا كەزىندە تاپانشامەن اتىپ ءولتىرىلدى دەيدى وبلىستىق ىشكى ىستەر دەپارتامەنتى باسشىسىنىڭ ورىنباسارى ارىستانعالي زاپپاروۆ. بۇل تۋرالى "ورتالىق ازيا حابار قىزمەتى" جازدى.
ءىىد ءباسپاسوز قىزمەتىنىڭ حابارلاۋىنشا، ەر ادام 1991 جىلى تۋعان ءتىس ەمحاناسىنىڭ اكىمشىلىك قىزمەتكەرىن "ولتىرەمىن" دەپ قورقىتىپ ۇستاعان. پوليتسيانىڭ مالىمەتى بويىنشا، ول 1993 جىلى تۋعان بۇرىنعى ايەلىن الدىما اكەل دەپ تالاپ ەتكەن. ولار 7 ناۋرىزدا اجىراسقان ەكەن.
وقيعا جايىندا پوليتسياعا حابار تۇسەردەن بىرنەشە ساعات بۇرىن ەر ادام بۇرىنعى ايەلىنىڭ ۇيىنە بارىپ، ونىڭ اناسىن پىشاقپەن جارالاعان. ەر اداممەن كەلىسسوز ەش ناتيجە بەرمەگەننەن كەيىن، كەپىلگە الىنعان ادامدى امان الىپ قالۋ ءۇشىن، ارنايى وپەراتسيامەن ەر ادامنىڭ كوزىن جويعان.
ارنايى وپەراتسيا كەزىندە كەپىلگە الىنعان ايەل جارالانباعان. قازىر ول دارىگەر مەن پسيحولوگتىڭ قاراۋىندا دەيدى پوليتسيا وكىلى. وقيعا بويىنشا قىلمىستىق ءىس قوزعالعان.
«The Qazaq Times»
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى