پرەمەر-مينيستر سيندزو ابەنىڭ شەشىمى بويىنشا جاپونيا ۇكىمەتى تولىق قۇرامىمەن وتستاۆكاعا كەتتى. ۇكىمەتتىڭ شۇعىل وتىرىسىندا پرەمەر-مينيستر ۇكىمەتتەگى اۋىس-تۇيىسكە قاتىستى رەسمي مالىمدەمە جاسادى، دەپ حابارلايدى Reuters اگەنتتىگى.
جاقىن ارادا جاپونيا ۇكىمەتىنىڭ جاڭا قۇرامى تانىستىرىلادى. ۇكىمەت قۇرامى بىلتىر تاعايىندالعان بولاتىن. دەگەنمەن، بۇل جولى بىردەن 13 مينيستر قىزمەتىنەن كەتىپ، ليبەرالدى-دەموكراتيالىق پارتيا (جدپ) باسشىلىعىندا پارتياىشىلىك تەپە-تەڭدىكتى قولداۋ ماقساتىندا روتاتسيا جۇرگىزىلەتىن بولدى.
شەتەلدىك باسىلىمدار جاپونيا قورعانىس ءمينيسترىنىڭ اۋىسۋىن كۇتپەگەن جاڭالىق رەتىندە قابىلداعان. وسى لاۋازىمدا ءبىر جىلعا جۋىق جۇمىس ىستەگەن تاكەسي يۆايدىڭ ورنىنا ۆەدومستۆونىڭ جاڭا باسشىسى بولىپ قازىرگى سىرتقى ىستەر ءمينيسترى تارو كونو تاعايىندالادى. 2017 جىلدان باستاپ كونو ءسىم باسشىسى بولا وتىرىپ، بەيبىت كەلىسىم بويىنشا رەسەيمەن كەزدەسۋلەر وتكىزگەن.
سىرتقى ىستەر ءمينيسترىنىڭ ورنىن بۇگىنگە دەيىن ەكونوميكانى قالپىنا كەلتىرۋ جونىندەگى مينيستر قىزمەتىن اتقارعان توسيميتسۋ موتەگي باساتىن بولدى. ول جاپوندىق تاراپتان ساۋدا-ەكونوميكالىق ماسەلەلەر بويىنشا اقش-پەن كەلىسسوزدەر جۇرگىزىپ، امەريكالىق وكىل روبەرت لايتحايزەرمەن بىرقاتار كەزدەسۋلەر وتكىزگەن بولاتىن.
ابەنىڭ شەشىمىنە سايكەس، ەلدىڭ ەكونوميكا، ساۋدا جانە ونەركاسىپ ءمينيسترى، توكيو مەن ماسكەۋ اراسىنداعى ەكونوميكالىق قارىم-قاتىناستارعا جەتەكشىلىك ەتكەن حيروسيگە سەكو قىزمەتىنەن كەتەتىن بولدى. ونىڭ ورنىنا قارجى ءمينيسترىنىڭ ورىنباسارى يسسيۋ سۋگاۆارا تاعايىندالماق.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى