فوتو: https://www.uscib.org

Politico باسىلىمى ۇلىبريتانيانىڭ قاۋىمدار پالاتاسى پرەمەر-مينيستر بوريس دجونسوننىڭ ەۋروپالىق وداق قۇرامىنان كەلىسىمسىز شىعۋ تۋرالى شەشىمىن ماقۇلداعان جوق دەپ حابارلادى.

سونىمەن قاتار، دجونسوننىڭ ەلدە كەزەكتەن تىس پارلامەنتتىك سايلاۋ وتكىزۋ تۋرالى ۇسىنىسى دا كەرى قايتارىلعان. وپپوزيتسيالىق توپ وكىلدەرى قول قويعان قۇجاتتا 293 ادام كەزەكتەن تىس سايلاۋدىڭ وتكىزىلمەۋىن قولداپ داۋىس بەرسە، 46-سى قارسى بولعان. وسىعان بايلانىستى بريتان پاتشايىمى وداق قۇرامىنان كەلىسىمسىز شىعۋعا تىيىم سالاتىن قۇجاتقا قول قويدى.

جينالىستان كەيىن جۋرناليستەرگە سۇحبات بەرگەن ەل پرەمەرى: «قايتادان كەرى قايتاردى. وپپوزيتسيا بارلىق جاعدايدى جاقسى بىلەمىز دەپ سانايدى. قالاي دەگەنمەن 31 قازاندا ۇلىبريتانيا ەۋرووداقتان شىعۋى ءتيىس»، – دەدى.

وپپوزيتسيا ليدەرى دجەرەمي كوربين ەلدە كەزەكتەن تىس پارلامەنتتىك سايلاۋعا ەش دايىندىقتىڭ جوقتىعىن جانە ۇكىمەت ساياسي باعىتىن وزگەرتپەگەن جاعدايدا، بىرىككەن كورولدىك تىعىرىققا تىرەلەتىنىن ەسكەرتىپ وتىر. تاراپتار ورتاق كەلىسىمگە كەلە الماعان جاعدايدا، ۇلىبريتانيانىڭ ەو قۇرامىنان كەتۋ جوسپارى قايتادان كەيىنگە شەگەرىلمەك.

"The Qazaq Times"