بۇگىن الماتى قالاسىندا ءىى-حالىق قۇرىلتايى ءوتتى.

جيىنعا وپپوزيتسيالىق ساياساتكەرلەر سەرىكبولسىن ءابدىلدين، بالتاش تۇرسىمباەۆ، رىسبەك سارسەنبايۇلى، جاسارال قۋانىشالين، ەرمۇرات باپي جانە وزگە دە ازاماتتىق بەلسەندىلەر قاتىستى.  جيىن بارىسىندا بەلسەندىلەر ساياسي وزگەرىستى، قىتاي ەكسپانسياسىن توقتاتۋدى، قازبا بايلىقتاردى ەلگە قايتارۋدى تالاپ ەتتى.

قۇرىلتايدى اشقان سەرىكبولسىن ءابدىلدين جاستاردىڭ تاڭداۋى دەموكراتيا بولۋى كەرەك دەپ، ونى جۇزەگە اسىرۋ ءۇشىن "نۇرسۇلتان نازارباەۆتان قۇتىلۋ كەرەك" ەكەندىگىن ايتتى.

بۇدان بولەك ءابدىلدين قازىرگى پرەزيدەنت قاسىم-جومارت توقاەۆتىڭ باستامالارى دۇرىس ەكەندىگىن، ونى حالىق بولىپ قولداۋ قاجەتتىگىن جەتكىزدى.

وسىعان دەيىنگى قۇرىلتاي پرەزيدەنت سايلاۋى قارساڭىندا ەلوردادا وتكەن. ول كەزدە قۇرىلتايعا قاتىسۋشىلاردىڭ پىكىرى ەكىگە بولىنگەن. توقتار اۋباكىروۆ، رينات زايىتوۆ باستاعان جيىنعا قاتىسۋشىلار پرەزيدەنت سايلاۋىندا ءامىرجان قوسانوۆتى قولداۋ قاجەتتىگىن ايتسا، قالعان مۇشەلەر سايلاۋعا بويكوت جاريالاۋدى قولداعان. كەيىننەن اقىن رينات زايىتوۆ ءوزىنىڭ الدانعانىن ايتىپ، حالىقتان كەشىرىم سۇراعان.

"The Qazaq Times"