ۇلتتىق قوعامدىق سەنىم كەڭەسىنىڭ العاشقى وترىسى. استانا. تاۋەلسىزدىك سارايى. 6 قىركۇيەك. 2019 جىل. فوتو: baq.kz

ۇلتتىق قوعامدىق سەنىم كەڭەسىنىڭ العاشقى وتىرىسىنا جۋرناليستەر قاتىستىرىلمادى. باق سىرتتاعى مونيتوردان حابار تاراتۋعا ءماجبۇر بولدى. 

استاناداعى تاۋەلسىزدىك سارايىندا قاسىم-جومارت توقاەۆتىڭ توراعالىعىمەن ۇلتتىق قوعامدىق سەنىم كەڭەسىنىڭ ءبىرىنشى وتىرىسى بولىپ ءوتتى. اقوردا ءباسپاسوز قىزمەتى ساعات 11:00 شاماسىندا تۆيتتەر جەلىسىندەگى رەسمي پاراقشاسىندا «ماقسات – ەلدەگى ەڭ وزەكتى قوعامدىق-ساياسي جانە الەۋمەتتىك-ەكونوميكالىق ماسەلەلەردى تالقىلاۋ. شاراعا كەڭەس مۇشەلەرى مەن باق وكىلدەرى قاتىسىپ جاتىر» دەپ حابارلادى. سويتە تۇرا جيىنعا قاتىستىرىلادى دەپ كۇتىلگەن جۋرناليست-تىلشىلەر زالعا كىرگىزىلمەي، ەكى ساعات بويى تەك باقىلاۋ بولىمىندەگى مونيتور ارقىلى حابار تاراتۋعا ءماجبۇر بولعان.

شارانىڭ تىكەلەي ەفيردەگى كورسەتىلىمىن كورەرمەندەر تەك ازاتتىق راديوسىنىڭ سايتى مەن الەۋمەتتىك جەلىدەگى پاراقشاسىنان قارادى.

ۇلتتىق كەڭەس وتىرىسى تۋرالى ازاتتىق راديوسى باقىلاۋ مونيتورىنان تىكەلەي ەفير بەردى. 6 قىركۇيەك 2019 جىل. فوتو: ازاتتىق سايتىنان سكرينشوت

"The Qazaq Times"