فوتو: https://phototass

رەسەي پرەزيدەنتى ۆلاديمير پۋتين مەن موڭعوليا پرەزيدەنتى حالتمااگين باتتۋلگا ەكى ەل بايلانىسىن جاڭا دەڭگەيگە كوتەرۋ ماقساتىندا دوستىق كەلىسىمىن قابىلدادى. 

موڭعوليانىڭ «ودرين سونين» باسىلىمىنىڭ مالىمەتىنشە، ءىسساپار بارىسىندا رەسەي پرەزيدەنتى موڭعوليالىق ارىپتەسى حالتمااگين باتتۋلگامەن كەزدەسىپ، دوستىق جانە ستراتەگيالىق ارىپتەستىك جونىندەگى بىرقاتار قۇجاتتارعا قول قويعان. جاڭا قۇجات 1993 جىلعى دوستىق جانە ارىپتەستىك تۋرالى كەلىسىم-شارتقا نەگىزدەلگەن.

رەسەي موڭعوليانى ەنەرگيامەن قامتاماسىز ەتىپ وتىرعان «سەنىمدى سەرىگى» ەكەنىن اتاپ وتكەن پۋتين تاراپتار بارلىق سالانى دامىتۋدى قولعا الاتىنىن ايتتى.

ايتا كەتەيىك، تامىزدا موڭعوليا پرەزيدەنتى حالتمااگين باتتۋلگا اقش-قا رەسمي ىسساپارمەن بارعان. وندا ول پرەزيدەنت دونالد ترامپپەن كەزدەسىپ، ۋاشينگتونمەن ستراتەگيالىق ارىپتەستىك ورناتقان بولاتىن.

"The Qazaq Times"