Ресей президенті Владимир Путин мен Моңғолия президенті Халтмаагийн Баттулга екі ел байланысын жаңа деңгейге көтеру мақсатында достық келісімін қабылдады. 

Моңғолияның «Одрийн сонин» басылымының мәліметінше, іссапар барысында Ресей президенті моңғолиялық әріптесі Халтмаагийн Баттулгамен кездесіп, достық және стратегиялық әріптестік жөніндегі бірқатар құжаттарға қол қойған. Жаңа құжат 1993 жылғы достық және әріптестік туралы келісім-шартқа негізделген.

Ресей Моңғолияны энергиямен қамтамасыз етіп отырған «сенімді серігі» екенін атап өткен Путин тараптар барлық саланы дамытуды қолға алатынын айтты.

Айта кетейік, тамызда Моңғолия президенті Халтмаагийн Баттулга АҚШ-қа ресми іссапармен барған. Онда ол президент Дональд Трамппен кездесіп, Уашингтонмен стратегиялық әріптестік орнатқан болатын.

"The Qazaq Times"