رەسەي ءسىم سەرگەي لاۆروۆ.

رەسەي سىرتقى ىستەر ءمينيسترى تۇركيانىڭ سۇرياداعى ءىس-ارەكەتتەرىنە قاتىستى پىكىر ءبىلدىردى.

رەسەي ءسىم سەرگەي لاۆروۆ تۇركيانىڭ ءسۇريا اۋماعىندا جۇرگىزىپ جاتقان اسكەري وپەراتسيالارى مەن ءىس-ارەكەتتەرىنە قاتىستى مالىمدەمە جاسادى. ونىڭ سوزىنشە، ماسكەۋ انكارانىڭ ءوز قاۋىپسىزدىگى ءۇشىن ءسۇريا اۋماعىندا جۇرگىزىپ وتىرعان ساياساتىن زاڭدى دەپ ەسەپتەيدى.

تۇركيا اقش-پەن بىرلەسىپ ءسۇريا اۋماعىندا قاۋىپسىز ايماق قۇرماق. انكارا وسى ارقىلى بوسقىنداردى ەلىنە قايتارىپ، بۋفەرلىك اۋماقتى ءوز باقىلاۋىندا ۇستاماق. تۇركيا بيلىگى يدليب پروۆينتسياسىنداعى كۇرد اسكەري جاساقتارىن ەل تىنىشتىعىنا قاۋىپ توندىرەتىن تەررورلىق ۇيىم دەپ ەسەپتەيدى.

شىلدە ايىندا پرەزيدەنت رەجەپ تايىپ ەردوعان ەفرات وزەنىنىڭ شىعىسىندا ارنايى اسكەري وپەراتسيا باستايتىندىعىن مالىمدەگەن. بۇعان دەيىن تۇركيا ارمياسى ءسۇريا اۋماعىندا «ءزايتۇن بۇتاعى» اتتى اسكەري وپەراتسيا جۇرگىزگەن.

"The Qazaq Times"