فوتو: bbc.com ەردوعان ساۋىردە وتەتىن رەفەرەندۋمدا حالىق كونستيتۋتسياعا وزگەرىستەر ەنگىزۋگە داۋىس بەرەدى دەگەن ۇمىتتە

تۇركيا پرەزيدەنتى رەجەپ تايىپ ەردوعان نيدەرلاند (گوللانديا) باسشىلىعىن سىرتقى ىستەر ءمينيسترى مەۆلۋت چاۆۋشوگلۋنىڭ  ۇشاعىن قوندىرۋعا رۇقسات بەرمەگەنى ءۇشىن "ۇلتشىلدار" جانە فاشيستەر دەپ كىنا تاقتى. 

ەردوعان: "سەندەر ءبىزدىڭ ءمينيستردى كىرگىزبەسەڭدەر، كىرگىزبەي-اق قويىڭدار، بىراق سەندەردىڭ ۇشاقتارىڭ ەندى تۇركياعا قالاي كىرەتىنىن كورەتىن بولامىز" - دەپ، نارازىلىعىن ءبىلدىردى.

مەۆلۋت چاۆۋشوگلۋ روتتەردامعا سەنبىدە  نيدەرلاندىدا تۇرىپ جاتقان تۇرىكتەردىڭ  16 ساۋىردە كونستيتۋتسياعا وزگەرىستەر  ەنگىزۋ جونىندەگى رەفەندۋمعا بايلانىستى شەرۋىن قولداۋ ءۇشىن بارماقشى بولعان.

بىراق روتتەردامنىڭ مەرى تۇرىكتەردىڭ شەرۋگە شىعۋىنا تيىم سالىپ جانە تۇركيا سىرتقى ىستەر ءمينيسترىنىڭ بۇل شەرۋگە قاتىسۋىنا دا رۇقسات بەرمەگەن بولاتىن.

مينيستر مەردىڭ بۇل شەشىمى  ۇشىن قاتاڭ سانكتسيا جاريالاپ، جاۋاپ قايتاراتىندىعىن جەتكىزدى.

ال نيدەرلاند باسشىلىعى: "بۇل شەرۋ - قوعامدىق ءتارتىپتىڭ بۇزىلۋىنا الىپ كەلىپ، تۇرعىندار زارداپ شەگۋى مۇمكىن" - دەگەن، قاۋىپپەن توقتاتىلعاندىعىن جەتكىزدى.

"تۇركيا رەسمي تۇردە سانكتسيا جاريالايتىندىعىن مالىمدەدى. سوعان بايلانىستى بۇل ماسەلەنىڭ بەيبىت شەشىمى تابىلمايتىن سەكىلدى" - دەگەن بولاتىن.

ساۋىردە تۇركيادا ەل كونستيتۋتسياسىنا وزگەرىستەر ەنگىزىلىپ، پرەزيدەنتتىك باسقارۋداعى مەملەكەتكە اينالۋ ماسەلەسى بويىنشا رەفەرەندۋم وتپەك. 

ەردوعان ەل بيلىگىنە بۇنداي وزگەرىس قاجەت ەكەندىگىن پرەزيدەنت بولىپ سايلانباستان بۇرىن، ەكى جىل بۇرىن ايتقان بولاتىن. 

ال بۇل وزگەرىستەردى جاقتاپ وتىرماعاندار، بار بيلىك تەك ءبىر عانا ادامنىڭ قولىندا كەتىپ قالۋىنا قارسىلىق بىلدىرۋدە. 

«The Qazaq Times»