سينگاپۋرداعى قارت كاسسير. فوتو: AFP

سينگاپۋر الەمدە حالىق سانى تەز قارقىنمەن ءوسىپ جاتقان مەملەكەتتەردىڭ ءبىرى. الايدا، سينگاپۋرداعى دەموگرافيالىق زەرتتەۋ ناتيجەسىنە قاراعاندا سينگاپۋر حالقى قارتتانۋ قاۋپىندە تۇر. كوپ وتپەي ەلدەگى قارتتاردىڭ سانى 5 ملن ادامعا جەتەدى. وسىعان بايلانىستى ەلدەگى ەڭبەك جاسى 62 جاستان 67-گە دەيىن ۇزارتىلعان. 

سوڭعى جىلدارى سينگاپۋرداعى كوپتەگەن جۇمىس ورىندارىندا قارت جۇمىسكەرلەر سانى دا كوبەيدى. كەيبىر سينگاپۋرلىقتار 70 جاستان اسسا دا كافە نەمەسە مەيرامحانالاردا داياشى بولىپ جۇمىس ىستەي بەرەدى. جاستاردىڭ باسىم كوبى كەڭسەلەردە وتىرىپ جۇمىس ىستەۋدى جاقسى كورەتىندىكتەن، ءاردايىم جۇمىسكەرلەرگە مۇقتاج فەرمالار قارت جۇمىسكەرلەردى كوپتەپ قابىلداۋعا ءماجبۇر بولعان. بۇنداي جاعداي الداعى ۋاقىتتا حالىق سانى قارتتانعان بارلىق مەملەكەتتەردە بولۋى مۇمكىن دەيدى ماماندار.

سينگاپۋردا قارتتار سانى تەز قارقىنمەن كوبەيىپ كەلەدى. 2008 جىلى جاسى 65 جاستان اسقانداردىڭ سانى ەل حالقىنىڭ 15,5 پايىز بولسا، ون جىلدان كەيىن، ياعني 2018 جىلى بىردەن ون پايىزعا، 26,8 پايىزعا دەيىن ارتىپ كەتكەن.

سينگاپۋرداعى قارت داياشى. فوتو: FRI.com

ارينە، ەكونوميكاسى دامىعان سينگاپۋردا زەينەتاقى قامتاماسىز ەتىلگەن. بىراق، ول قارتتاردىڭ تەك نەگىزگى كەرەك-جاراقتارىنا عانا جەتەدى. سوندىقتان جاقسىراق ءومىر سۇرگىسى كەلەتىن قارتتارعا جۇمىس ىستەۋگە جول اشىق. ونىڭ ۇستىنە KFC, Mc'Donalds, Burger King, Pissa  قاتارلى جەلىلەس فيرمالار قارت جۇمىسكەرلەردى قابىلداۋعا ىنتالى. ولار جۇمىسقا ۋاقىتىمەن كەلىپ، مۇقيات جۇمىس ىستەيدى دەپ قارايدى.

دەموگرافتاردىڭ پىكىرىنە سەنسەك، بۇل الەمدىك تەندەنتسياعا اينالادى. الاداعى ۋاقىتتا ادامداردىڭ ۇزاق جاساۋ ورتاشا جاسى بارعان سايىن جوعارلاپ، قوعامدا قارت جۇمىسكەرلەردى كوپتەپ كەزدەستىرۋ قالىپتى قۇبىلىسقا اينالماق.

“The Qazaq Times”