الماتىداعى ناۋرىزباي اۋدانىندا سەل ءجۇرۋ قاۋپى بار. الماتى تجد اتالعان اۋدانداعى تاۋلى ايماقتاردا ورنالاسقان ۇيلەردە تۇراتىن تۇرعىندارعا ەسكەرتۋ جاساپ، ۇيلەرىنەن ۋاقىتشا كەتۋگە كەڭەس بەردى.
الماتى قالالىق توتەنشە جاعدايلار دەپارتامەنتى: «2019 جىلدىڭ 14 تامىزىندا ناۋرىزباي اۋدانىندا شاعىن كولەمدە سەل شىعارۋ جۇرگىزىلدى. تۇرعىندارعا ەسكەرتىپ ۇلگەردىك. ەنەرگەتيكا قىزمەتىنە جارىقتى، گازدى ءوشىرۋ تۋرالى كوماندا بەرىلدى. ەسكەرتەمىز، تۇرعىنداردى كوشىرەمىز. الماتى قالالىق تجد اۋەزوۆ جانە الاتاۋ اۋداندارىندا قارعالى وزەنىنىڭ تومەنگى جاعىندا تۇراتىن تۇرعىندارعا ەسكەرتۋ جاساپ جاتىر»، – دەدى.
رەسمي مالىمەتتەر بويىنشا قازىر «قازاۋەقۇتقارۋ»، «الماتى قۇتقارۋ» قىزمەتىنىڭ بورتتارى مەن ۇلتتىق ۇلاننىڭ جەكە قۇرامى جىبەرىلگەن. ناۋرىزباي اۋدانىندا قاۋىپسىز جەرگە كوشىرىلگەن ادامداردى قابىلداۋ ءۇشىن ەۆاكۋاتسيالىق پۋنكتەر رەتكە كەلتىرىلدى. وسى رەتتە بوستاندىق اۋدانىندا مەكتەپ عيماراتى ازىرلەندى. قارعالى وزەنىنىڭ ارناسىندا گازبەن قامتۋ، ەلەكتر ەنەرگياسىمەن قامتۋ نۇكتەلەرى اجىراتىلدى. ال توتەنشە جاعدايعا بايلانىستى شۇعىل شتاب قۇرىلدى. سەل ءجۇرۋ قاۋپىنە بايلانىستى ناۋرىزباي اۋدانىندا ەۆاكۋاتسيالاۋ پۋنكتەرى بەلگىلەنگەن. الماتى اكىمى باقىتجان ساعىنتاەۆ ناۋرىزباي اۋدانىنا باردى.
ايتا كەتەيىك، 2015 جىلى شىلدەدە الماتىنىڭ ناۋرىزباي اۋدانى اۋماعىندا سەل جۇرگەن. سالدارىنان مىڭنان استام ادام ەۆاكۋاتسيالانىپ، 450-دەن استام ۇيلەرگە نۇقسان كەلگەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟