Photo: eurasianet.org

فەرعانا، حورەزم جانە قاشقاداريا وبلىستارىنىڭ اكىمدەرىن قىزمەتتەن بوساتۋ ولار ءۇشىن ەڭ وڭاي جازا بولماق. وزبەك بيلىگىنىڭ ايتۋىنشا، ولار قاتەلىكتەرىن تۇزەتىپ، مەملەكەت پەن حالىقتىڭ سەنىمىن قايتا قالپىنا كەلتىرۋى ءتيىس.

بۇعان دەيىن ەل پرەزيدەنتى شاۆكات ميرزيەەۆ پرەمەر-مينيستر ابدۋللا اريپوۆكە جانە پرەزيدەنت اكىمشىلىگىنىڭ باسشىسى زاينيلوبيددين نيزوميددينوۆكە فەرعانا، حورەزم جانە قاشقاداريا وبلىستارىنىڭ اكىمدەرىن قىزمەتتەن بوساتۋ ماسەلەسىن قاراۋدى تاپسىرعان ەدى. سەبەبى، ولار تۇرعىن ۇيلەردىڭ زاڭسىز سۇرىلۋىنە جاۋاپتى بولعان، سونداي-اق، جەردى زاڭسىز يەلەنگەن.

"زارداپ شەككەن تۇرعىنداردىڭ مورالدىق جانە ماتەريالدىق شىعىندارىنىڭ  اۋقىمدىلىعىن ەسكەرە وتىرىپ، وبلىس اكىمدەرى مەن باسقا دا جاۋاپتى تۇلعالاردى قىزمەتىنەن شۇعىل بوساتۋ ولار ءۇشىن جاعدايدان شىعۋدىڭ ەڭ وڭاي جولى بولماق. ولاردىڭ ورنىنا كەلگەن ادام نەگە جۇمىستىڭ بارلىق جاۋاپكەرشىلىگى مەن اۋىرتپالىعىن كوتەرۋى ءتيىس؟! سول سەبەپتى، قاتەلىكتەرىن تۇزەتىپ، مەملەكەت پەن حالىقتىڭ سەنىمىن قايتا قالپىنا كەلتىرۋى كەرەك",  دەلىنگەن حابارلامادا.

مالىمدەمەدە ايتىلعانداي، اكىمدەرگە جىل سوڭىنا دەيىن باستاعان جۇمىستارىن اياقتاۋعا مۇمكىندىك بەرىلگەن.

"The Qazaq Times"