Photo: eurasianet.org

Ferğana, Horezm jäne Qaşqadariya oblıstarınıñ äkimderin qızmetten bosatu olar üşin eñ oñay jaza bolmaq. Özbek biliginiñ aytuınşa, olar qatelikterin tüzetip, memleket pen halıqtıñ senimin qayta qalpına keltirui tiis.

Bwğan deyin el prezidenti Şavkat Mirzieev prem'er-ministr Abdulla Aripovke jäne prezident äkimşiliginiñ basşısı Zaynilobiddin Nizomiddinovke Ferğana, Horezm jäne Qaşqadariya oblıstarınıñ äkimderin qızmetten bosatu mäselesin qaraudı tapsırğan edi. Sebebi, olar twrğın üylerdiñ zañsız süriluine jauaptı bolğan, sonday-aq, jerdi zañsız ielengen.

"Zardap şekken twrğındardıñ moral'dıq jäne materialdıq şığındarınıñ  auqımdılığın eskere otırıp, oblıs äkimderi men basqa da jauaptı twlğalardı qızmetinen şwğıl bosatu olar üşin jağdaydan şığudıñ eñ oñay jolı bolmaq. Olardıñ ornına kelgen adam nege jwmıstıñ barlıq jauapkerşiligi men auırtpalığın köterui tiis?! Sol sebepti, qatelikterin tüzetip, memleket pen halıqtıñ senimin qayta qalpına keltirui kerek",  delingen habarlamada.

Mälimdemede aytılğanday, äkimderge jıl soñına deyin bastağan jwmıstarın ayaqtauğa mümkindik berilgen.

"The Qazaq Times"