فوتو: https://makfax.com.mk

اقش-تىڭ ميگراتسيالىق ماسەلەلەر بويىنشا ارنايى قىزمەتى ميسسيسيپي شتاتىندا اۋقىمدى وپەراتسيا جۇرگىزدى.

Reuters اگەنتتىگىنىڭ مالىمەتىنشە، وپەراتسيا ناتيجەسىندە زاڭسىز 700-گە جۋىق كەلىمسەك ۇستالعان. ولاردىڭ باسىم بولىگى مەكسيكا، ۆەنەسۋەلا، گوندۋراستان كەلىپ، امەريكادا جالدامالى جۇمىس ىستەگەندەر. كوشى-قون ماسەلەسىن شەشۋگە ارنالعان وپەراتسيا 2008 جىلدان بەرگى ەڭ اۋقىمدى جوبا سانالادى. اتالعان وپەراتسيا نەگىزىندە ەكى مىڭداي ميگرانتتى ەلىنە دەپورتاتسيالاۋ جوسپارلانعان.

بيىل مامىردا اق ءۇي باسشىسى دونالد ترامپ ميگراتسيا جانە كوشى-قون تالاپتارىن كۇشەيتۋ كەرەكتىگىن ايتقان. سونىمەن قاتار، اقش پەن مەكسيكا اراسىندا قورعان ورناتۋ قاجەتتىگىنە توقتالعان بولاتىن. شەكارا ماسەلەسىنە قاتىستى رەسمي مالىمدەمەدە ترامپ: «قازىرگى ۋاقىتتا ەسىرتكى تاسىمالى، زورلىق-زومبىلىق، ۇرلىق-قارلىق سىندى ماسەلەلەر ارتىپ كەلەدى. مۇنىڭ باسىم كوپشىلىگى بوسقىندار مەن زاڭسىز ميگراتسيا سالدارىنان ورىن الىپ وتىر. ەگەر ءبىز وسى قۇرىلىستى باستاساق، گۋمانيتارلىق داعدارىستى توقتاتا الامىز»، – دەپ دۋالدىڭ ماڭىزدىلىعى تۋرالى مالىمدەگەن.

"The Qazaq Times"