فوتو: https://gdb.rferl.org

قىرعىزستاننىڭ بۇرىنعى پرەزيدەنتى المازبەك اتامباەۆتىڭ رەزيدەنتسياسىنا جاسالعان وپەراتسيا كەزىندە 45 ادام جارالانىپ، ارنايى جاساق وكىلى اۋرۋحانادا كوز جۇمدى.

7 تامىزدا قىرعىزستاننىڭ ارنايى جاساعى اتامباەۆتى ۇستاۋ بويىنشا ارنايى وپەراتسيا باستاعان. ول اتامباەۆتىڭ قوي-تاش اۋىلىنداعى ۇيىندە جۇرگىزىلگەن بولاتىن. وسىدان كەيىن بۇرىنعى پرەزيدەنت وقيعاعا بايلانىستى مالىمدەمە جاسادى. ەكس-پرەزيدەنتتىڭ ۇندەۋى ءوز باقىلاۋىنداعى «اپرەل» تەلەارناسىندا كورسەتىلدى. رەسمي ۇندەۋدە اتامباەۆ اسكەريلەردى ءوز حالقىنا وق اتپاۋعا شاقىردى جانە اتىستان كىناسىز ادامداردىڭ زارداپ شەگۋىنە بايلانىستى وكىنىش ءبىلدىرىپ، قازىرگى بيلىكتىڭ قاتىگەزدىگى تاڭقالدىراتىنىن ايتتى. سونداي-اق ۇندەۋ بارىسىندا ءوزىن تۇتقىنداۋعا جول بەرمەي، امان الىپ قالعان ادامدارعا العىس ايتتى.

12 ماۋسىمدا جوعارى كەڭەس دەپۋتاتى قاناتبەك يساەۆ «المازبەك اتامباەۆتى تيىسپەۋشىلىك مارتەبەسىنەن ايىرۋ» جونىندە باستاما كوتەرگەن. ال 13-ءشى ماۋسىمدا وسى ماسەلەگە بايلانىستى ارنايى كوميسسيا قۇرىلدى. جوعارى كەڭەستىڭ المازبەك اتامباەۆتى تيىسپەۋشىلىك مارتەبەسىنەن ايىرۋعا بايلانىستى قۇرىلعان ارنايى كوميسسياسى ەكس-پرەزيدەنتكە 9 پۋنكت بويىنشا ايىپ تاقتى. قىرعىزستان ءىىم تەرگەۋ توبى جاۋاپ الۋ ماقساتىندا اتامباەۆتى ءۇش رەت شاقىرعان. دەگەنمەن، ۇشەۋىنە دە بارماعان ەكس-پرەزيدەنت كونستيتۋتسيالىق پالاتاعا تالاپ جولدادى.

27 ماۋسىمدا قىرعىزستان پارلامەنتى المازبەك اتامباەۆتى ەكس-پرەزيدەنت جانە تيىسپەۋشىلىك مارتەبەسىنەن ايىرعان. جوعارى كەڭەستە قۇرىلعان ارنايى كوميسسيا ەكس-پرەزيدەنت المازبەك اتامباەۆقا جەمقورلىققا جول بەردى، قىزمەتىن اسىرا پايدالاندى سىندى پۋنكتتەر بويىنشا بەس ايىپ تاعىپ وتىر. قىرعىزستان ىشكى ىستەر مينيسترلىگىنىڭ ترەگەۋ توبى جاۋاپ الۋ ماقساتىندا ءۇش رەت شاقىرعان. دەگەنمەن، ۇشەۋىنە دە بارۋدان باس تارتقان اتامباەۆ كونستيتۋتسيالىق پالاتاعا حات جولدادى.

وسىعان دەيىن ەكس-پرەزيدەنتكە قاتىستى مالىمدەمە جاساعان قازىرگى باسشى سوورونباي جەەنبەكوۆ: «اتامباەۆتىڭ تەرگەۋگە شاقىرىلۋى – زاڭدى قۇبىلىس. اتامباەۆ ءىسى زاڭ اياسىندا شەشىلۋى ءتيىس. بارلىق ادام – بۇرىنعى پرەزيدەنت پە، شەنەۋنىك پە، الدە باسقا ماماندىق يەسى مە، تۇگەلدەي دەرلىك زاڭعا باعىنۋعا مىندەتتى. اتامباەۆ ءىسى قىرعىزستان زاڭناماسىمەن شەشىلۋى ءتيىس. زاڭ الدىندا بارلىعى بىردەي. سوندا عانا مەملەكەت العا باسادى»، – دەپ مالىمدەگەن بولاتىن.

"The Qazaq Tımes"