فوتو: https://tengrinews.kz

مەملەكەت باسشىسى قاسىم-جومارت توقاەۆ اقش پرەزيدەنتى دونالد ترامپقا تەحاس جانە وگايو شتاتتارىندا ورىن العان قايعىلى جاعدايعا قاتىستى كوڭىل ايتىپ، حات جولدادى.

ول Twitter-دەگى پاراقشاسىندا بۇل تۋرالى: «اقش ءۇشىن وسىنداي قارالى كۇندە قازاقستان حالقى امەريكالىقتاردىڭ قايعىسىمەن بولىسەدى. سىزگە قاتتى قايعىرىپ كوڭىل ايتامىن» دەپ جازدى.

3 تامىزدا اقش-تىڭ تەحاس شتاتىندا بولعان اتىس كەزىندە كەمىندە 20 ادام قازا تاۋىپ، ونداعان ادام جارالانعان. وقيعا مەكسيكامەن شەكارالاس اۋماقتاعى ەل-پاسو قالاسىنداعى Walmart دۇكەنى ماڭىندا ورىن الدى. ەرتەسىنە وگايو شتاتىنداعى دەيتون قالاسىندا تاعى دا اتىس بولدى. بەلگىسىز بىرەۋ جۇرتقا وق جاۋدىرىپ، كەمىندە 9 ادام قازا تاپقان. ون التى ادام اۋرۋحاناعا تۇسكەن. قازىرگى ۋاقىتتا اق ءۇيدىڭ قاداعالاۋىمەن تەرگەۋ جۇمىستارى جۇرگىزىلىپ جاتىر. اقش ۇكىمەتى بۇل ەكى وقيعانى جەك كورۋ سيپاتىنداعى قىلمىس رەتىندە تانىدى.

قۇراما شتاتتارىندا بولعان قايعىلى جاعدايدان كەيىن ەلدىڭ تۋى الەم بويىنشا 8 تامىزعا دەيىن ءتۇسىرىلدى.

"The Qazaq Times"