اقش پرەزيدەنتى دونالد ترامپتىڭ بۇيرىعىمەن ەلدەگى جانە وزگە دە مەملەكەتتەردەگى قۇراما شتات تۋى 8 تامىزعا دەيىن ءتۇسىرىلدى. اق ءۇي باسشىسى مۇنداي بۇيرىقتى تەحاس پەن وگايو شتاتتارىندا بولعان قىرعىن قۇرباندارىنىڭ رۋحىنا قۇرمەت ءبىلدىرۋ ماقساتىندا تاپسىرعان.
3 تامىزدا اقش-تىڭ تەحاس شتاتىندا بولعان اتىس كەزىندە كەمىندە 20 ادام قازا تاۋىپ، ونداعان ادام جارالانعان. وقيعا مەكسيكامەن شەكارالاس اۋماقتاعى ەل-پاسو قالاسىنداعى Walmart دۇكەنى ماڭىندا ورىن الدى. Reuters اگەنتتىگىنىڭ مالىمەتىنشە، شابۋىلداۋشى ۇستالىپ، اق ءۇيدىڭ قاداعالاۋىمەن تەرگەۋ جۇمىستارى جۇرگىزىلىپ جاتىر.
تەحاستاعى وقيعا ەلدى دۇرلىكتىرىپ تۇرعاندا، 4 تامىزدا اقش-تىڭ وگايو شتاتىنداعى دەيتون قالاسىندا تاعى دا اتىس بولدى. بەلگىسىز بىرەۋ جۇرتقا وق جاۋدىرىپ، كەمىندە 9 ادام قازا تاپقان. ون التى ادام اۋرۋحاناعا تۇسكەن. ازىرگە وقيعانىڭ جاي-جاپسارى بەلگىسىز.
اقش ۇكىمەتى بۇل ەكى وقيعانى جەك كورۋ سيپاتىنداعى قىلمىس رەتىندە باعالاپ وتىر. شابۋىلداۋشىنىڭ ءبىرى، 21 جاستاعى پاتريك كرۋزيۋس اتىسقا دەيىن ينتەرنەتتە ناسىلشىلدىك سيپاتىنداعى مانيفەست جاريالاعان. NBC Politics حابارلاۋىنشا، تەحاستاعى اتىس لاتىن امەريكاسىنان كەلگەن بوسقىن، ميگرانتتارعا قارسى ۇيىمداستىرىلعان. قازا تاپقاندار مەن جارالانعاندار سانى بويىنشا ەل-پاسوداعى قىرعىن اقش تاريحىنداعى ەڭ قاندى شابۋىلدار قاتارىندا.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى