ماكرون قازاقستانعا كەلمەك

فرانتسيا پرەزيدەنتى ەممانۋەل ماكرون قازاقستانعا ىسساپارمەن كەلۋى مۇمكىن.

مەملەكەت باسشىسى قاسىم-جومارت توقاەۆ Twitter پاراقشاسىندا: «فرانتسيانىڭ ەكونوميكا جانە قارجى ءمينيسترى بريۋنو لە مەرمەن كەزدەسۋ ءوتتى. ەكى ەلدىڭ دە سەرپىندى ىنتىماقتاستىعى مەن ۇلكەن الەۋەتى بار. ءىرى جوبالاردى، سونىڭ ىشىندە ەكولوگيالىق، ەكونوميكالىق سالالاردى بىرلەسە جۇزەگە اسىرۋ كۇن تارتىبىندە تۇر. ءبىز پرەزيدەنت ەممانۋەل ماكروننىڭ ساپارىن كۇتەمىز»، – دەپ جازدى.

30 شىلدەدە قاسىم-جومارت توقاەۆ فرانتسيانىڭ ەكونوميكا جانە قارجى ءمينيسترى برۋنو لە مەردى قابىلداعان بولاتىن. كەزدەسۋ بارىسىندا قوس تاراپتىڭ ديپلوماتيالىق، ستراتەگيالىق بايلانىستارى تالقىلانعان. قازاقستان پرەزيدەنتى سوزىندە: «ءبىز فرانتسيانى ەۋروپا وداعى شەڭبەرىندەگى نەگىزگى سەرىكتەس رەتىندە قاراستىرامىز. ەو قازاقستاننىڭ باستى ساۋدا سەرىكتەسى بولىپ تابىلادى. ەكىجاقتى ساۋدا كولەمى 4,5 ميلليارد اقش دوللارىنا جەتتى. ال فرانتسيادان ەل ەكونوميكاسىنا تارتىلعان تىكەلەي ينۆەستيتسيالار كولەمى 15 ميلليارد اقش دوللارىنان استى»، – دەدى. فرانتسيا پرەزيدەنتىنىڭ قازاقستانعا قاي ۋاقىتتا ساپار جاسايتىنى ازىرگە بەلگىسىز.

"The Qazaq Times"