كوشباسشىلار ءسامميتى: ترامپ، رۋحاني، زەلەنسكي مالىمدەمە جاساماق

114 مەملەكەت كوشباسشىلارى مەن 80-نەن استام ەلدىڭ سىرتقى ىستەر مينيسترلەرى 24-30 قىركۇيەك اراسىندا بۇۇ باس اسسامبلەياسىنىڭ سامميتىنە قاتىسىپ، جاھاندىق ماسەلەلەردى تالقىعا سالماق. حالىقارالىق 74-ءشى سەسسيادا اقش-تىڭ يران جانە ۆەنەسۋەلامەن بايلانىسى، رەسەي مەن ۋكراينا ديالوگى، سولتۇستىك كورەيا جانە يادرولىق كەلىسىم سىندى تاقىرىپتار اياسىندا دەبات وتكىزىلەدى.

اتالعان سەسسياعا قاتىسۋشى مەملەكەتتەر قاتارىندا اقش، فرانتسيا، وڭتۇستىك كورەيا، ۋكراينا، قازاقستان، ۆەنەسۋەلا، ليۆيا جانە يراك ەلدەرى بار.

24 قىركۇيەكتە باستالاتىن سەسسيانىڭ العاشقى كۇنى بۇۇ باس حاتشىسى انتونيۋ گۋتتەريش، نيگەريانىڭ بۇۇ-داعى وكىلى تيدجاني مۇحاممەد-باندە ءسوز سويلەمەك. 1946 جىلى باس اسسامبلەيانىڭ العاشقى سەسسياسىندا برازيليالىق لۋيس مارتينس دە سوۋزانىڭ ءبىرىنشى بولىپ مالىمدەمە جاساۋىنا بايلانىستى بيىل دا مەملەكەتتەردەن ءبىرىنشى بولىپ برازيليا باسشىسى دەبات جۇرگىزەدى. ال اقش پرەزيدەنتى دونالد ترامپ ەكىنشى بولىپ مالىمدەمە جاسايدى.

اپتانىڭ نەگىزگى تاقىرىپتارى رەتىندە مەملەكەتتەر اراسىنداعى قاقتىعىس، ديپلوماتيالىق بايلانىس، يادرولىق قارۋ جانە وزگە دە حالىقارالىق ماسەلەلەر تالقىعا سالىنادى. ءبىرىنشى كەزەكتە اقش پەن يران قارىم-قاتىناسى ورتاعا سالىنىپ، ەكى ەل باسشىلارى ترامپ مەن حاسان ءرۋحانيدىڭ رەسمي كەزدەسۋى ۇيىمداستىرىلماق. جاقىندا رۋحاني تەھراننىڭ ۋاشينگتونمەن كەلىسسوزدەر جۇرگىزبەيتىنىن ايتقاننان كەيىن، قوس ەل باسشىلارى اراداعى قاقتىعىستى بەتپە-بەت تالقىلاعان جوق.

بۇۇ-دا كحدر ماسەلەسىنە دە ەرەكشە نازار اۋدارىلماق. اقش پەن كحدر ديالوگى اياسىندا بىرقاتار ساراپشىلار سولتۇستىك كورەيا كوشباسشىسى كيم چەن ىننىڭ نيۋ-يورككە كەلۋى ەكىتالاي دەيدى. دەگەنمەن، سەسسيانىڭ ەكىنشى كۇنى كحدر-ءدىڭ زىمىراندى ۇشىرۋى، يادرولىق كەلىسىمگە ارنالعان.

سەسسيانىڭ كەلەسى كۇنى ياعني 23 قىركۇيەكتە الەمدىك كوشباسشىلار، ۇكىمەت مۇشەلەرى، قارجى توپتارى، بيزنەس جانە ازاماتتىق قوعام وكىلدەرى باس قوسقان «عالامدىق جىلىنۋ جانە كليماتتىڭ وزگەرۋى» تاقىرىبىندا جەكەلەگەن سامميت وتەدى. بۇل باستاما پاريج كەلىسىمىن جۇزەگە اسىرۋعا باعىتتالعان.

2018 جىلى قىركۇيەكتە بۇۇ توراعالىعىنا اقش سايلانىپ، دونالد ترامپ كەڭەس وتىرىسىن ەكى رەت باسقارعان بولاتىن. الداعى ۋاقىتتا رەسەي بۇۇ تارابىمەن جوعارى دەڭگەيدەگى ەكى كەزدەسۋ ۇيىمداستىرۋدى جوسپارلاپ وتىر. ياعني بيىل بۇۇ توراعالىعى ماسكەۋگە تاپسىرىلۋى مۇمكىن.

"The Qazaq Times"