قۇقىق قورعاۋشىلار باتىس ەلدەرىنەن گۇلنارا كارىموۆانىڭ بۇعاتتالعان قارجىسىن وزبەكستانعا قايتارماۋدى سۇراۋدا.

جاقىندا وزبەك-نەمىس ادام قۇقىقتارىن قورعاۋ فورۋمىنىڭ سايتىندا ءبىر توپ وزبەكستاندىق قۇقىق قورعاۋشىلاردىڭ باتىس ەلدەرىنە ارنالعان ۇسىنىسى جاريالادى. وندا بەلسەندىلەر ەكس-حانشايىم گۇلنارا كارىموۆا اكتيۆتەرىن اقش، شۆەيتساريا، بەلگيا، فرانتسيا، ۇلىبريتانيا جانە ليۋكسەميۋرگ ەلدەرىنە وزبەكستاندا ادام قۇقىقتارى مەن جەمقورلىققا بايلانىستى ناقتى رەفورمالار جۇزەگە اسپايىنشا رەسمي تاشكەنتكە بەرمەۋدى سۇراعان.

قازىرگى تاڭدا گۇلنارا كارىموۆانىڭ ەۋروپادا بۇعاتتالعان اكتيۆتەرى 1 ميلليارد دوللاردى قۇرايدى.

گۇلنارا كارىموۆانىڭ ۇستىنەن قىلمىستىق ءىس 2015 جىلى قوزعالعان. ءدال وسى جىلى تاشكەنت قالالىق سوتى ونى "اسا ءىرى كولەمدە قارجى جىمقىرۋ", "بوپسالاۋ", "سالىقتان جالتارۋ" ايىپتارى بويىنشا كىنالى دەپ تانىپ، بەس جىلعا باس بوستاندىعىنان ايىرعان. 2017 جىلى شىلدەدە وزبەكستان باس پروكۋراتۋراسى گۇلنارا كارىموۆانىڭ ۇستىنەن تاعى بىرنەشە قىلمىس بويىنشا ءىس قوزعالعاندىعىن مالىمدەدى. وزبەكستان رەسمي ورگاندارىنىڭ مالىمدەمەسىنەن كەيىن وعان تيەسىلى الەمنىڭ 12 ەلىندەگى بانك شوتتارى مەن جىلجىمايتىن مۇلىكتەرى بۇعاتتالعان. كارىموۆاعا قارسى ەكى قىلمىستىق ءىس بويىنشا مەملەكەتكە كەلتىرىلگەن زالالدىڭ جالپى سوماسى 2 ملرد دوللار.

"The Qazaq Times"