يران اقش مەملەكەتتىك حاتشىسى مايك پومپەونى ەل اۋماعىنا كىرگىزبەي قويدى.

شىلدە اينىڭ 29-ى كۇنى مايك پومپەو ءوزىنىڭ «Twitter» پاراقشاسىندا يران بيلىگىنە شاعىمداندى. پومپەونىڭ سوزىنشە، رەسمي تەھران ونى ەل اۋماعىنا كىرگىزبەي قويعان.

«يران سىرتقى ىستەر ءمينيسترى دجاۆاد زاريف اقش-قا ەمىن-ەركىن كەلىپ، قالاعان ءسوزىن ايتادى. مەنى ەل اۋماعىنا كىرگىزبەيتىندەي حامەنەي رەجيمىنىڭ جۇمىستارى سونشالىقتى ناشار ما؟ ونىڭ حالقى سۇزگىدەن وتپەگەن، اشىق شىندىقتى ەستىسە نە بولادى؟» - دەپ مالىمدەدى پومپەو.

ەستەرىڭىزگە سالايىق، دونالد ترامپ اكىمشىلىگى تەھرانمەن اراداعى يادرولىق كەلىسىمنەن شىعىپ، يرانعا قارسى سانكتسيا سالعان. قازىر پارسى شىعاناعىنداعى ساياسي جاعداي بۇرىن سوڭدى بولماعان دارەجەگە جەتكەن. ەكى ەل اسكەري قاقتىعىستىڭ الدىندا تۇر.

"The Qazaq Times"