مينيستر قاۋىپسىزدىك سەرتيفيكاتىنا بايلانىستى مالىمدەمە جاسادى.

تسيفرلىق دامۋ، قورعانىس جانە اەروعارىش ونەركاسىبى ءمينيسترى اسقار جۇماعاليەۆ قاۋىپسىزدىك سەرتيفيكاتىنا بايلانىستى جۋرناليستەر سۇراعىنا جاۋاپ بەردى.

«عالامتوردا زاڭعا قايشى كونتەنت پەن كيبەرقاۋىپ بار. قاۋىپسىزدىك سەرتيفيكاتى سولاردان قورعايدى. زاڭعا قايشى كونتەنت دەگەنىمىز، ءسۋيتسيدتى، ەكسترەميستىك جانە تەررورلىق اقپاراتتاردى ناسيحاتتايتىن سايتتار. وعان قوسا فيشينگ جانە ۆيرۋس تاراتاتىن سايتتار بار»، - دەدى مينيستر.

​وتكەن اپتادا قازاقستاندىقتار ۇيالى بايلانىس وپەراتورلارىنان قاۋىپسىزدىك سەرتيفيكاتىن ورناتۋدى ۇسىنعان حابارلاما الا باستاعان. وپەراتورلار مۇنى «كيبەر شابۋىلدى الدىن الۋ شاراسى» دەپ اتايدى. قولدانۋشىلار بيلىك ۇسىنعان بۇل سەرتيفيكاتتى سىناپ جاتىر. ولار «بيلىك وسى سەرتيفيكات ارقىلى اركىمنىڭ جەكە اقپاراتىن باقىلاپ وتىرعىسى كەلەدى» دەپ توپشىلايدى.

"The Qazaq Times"