24 شىلدەدە 9 كۇندىك دەمالىستا بولعان تۇركىمەنستان پرەزيدەنتى قۇربانعۇلى بەردىمۇحامەدوۆتى مەملەكەتتىك تەلەارنالار كورسەتتى. بۇل – قايتىس بولدى دەگەن سىبىستان كەيىن ياعني 20 شىلدەدەن سوڭ بەردىمۇحامەدوۆتىڭ بۇقارالىق اقپارات قۇرالدارىندا العاش توبە كورسەتۋى.
«تۇركىمەنستان حرونيكاسى» سايتىنىڭ حابارلاۋىنشا، تەلەارنادان كورسەتىلگەن حاباردا ەل پرەزيدەنتى بىرقاتار قۇرىلىس جوبالارىن ماقۇلداپ، بولاشاقتا اشحاباد قالاسىندا سالىناتىن احال ۆەلاياتتىڭ جوباسىن تانىستىرعان. سونىمەن قاتار، 15 شىلدەدە باستالىپ، ءالى اياقتالماعان ەڭبەك دەمالىسىنا قاراماستان، مەملەكەت باسشىسى «ءوز ۋاقىتىن ءتيىمدى پايدالاناتىنىن» ايتقان.
21 شىلدەدە 62 جاستاعى تۇركىمەن باسشىسى قۇربانعۇلى بەردىمۇحامەدوۆتىڭ ومىردەن وزعاندىعى جونىندەگى اقپارات جۇرت نازارىن وزىنە اۋدارتتى. تۇركىمەنستان ساياساتتانۋشىسى اسلان رۋباەۆ «گوۆوريت موسكۆا» راديوسىنا بەرگەن سۇحباتىندا تۇركىمەنستان پرەزيدەنتىنىڭ كوز جۇمعاندىعى جونىندە ايتقان. وسىدان كەيىن الەۋمەتتىك جەلىلەر مەن باق بەتتەرىندە قۇربانعۇلى بەردىمۇحامەدوۆتىڭ جۇمباق جاعدايدا قايتىس بولعاندىعى جونىندە اقپاراتتار تاراي باستاعان. كەيىننەن تۇركىمەنستان ديپلوماتتارى بۇل اقپاراتتاردىڭ شىندىققا جاناسپايتىندىعىن ايتىپ، مالەمدەمە جاساعان.
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى