فوتو: DW

ەۋرووداق اقش-تى توناپ وتىر.

امەريكا پرەزيدەنتى دونالد ترامپ 23 شىلدە كۇنى جوعارى سىنىپ وقۋشىلارىمەن وتكەن كونفەرەنتسيادا ەۋرووداقپەن اراداعى ساۋدا كەلىسىمدەرىنە بايلانىستى مالىمدەمە جاسادى. وندا ول ەۋرووداق اقش-تى توناپ وتىر دەپ رەسمي بريۋسسەلدى ايىپتادى.

«بىرقاتار ەلدەر ءبىزدى توناپ وتىر. ال ولاردىڭ كەيبىرى ءبىزدىڭ وداقتاستارىمىز. ولار ءبىزدى ساۋدا-ساتتىقتا توناۋدا. ەۋرووداق ساۋدا بايلانىسىندا قىتايدان دا جامان. ولار ءبىزدى ولتىرۋدە. ەۋرووداق ەكونوميكا سالاسىندا اقش-تى جەڭۋ ءۇشىن قۇرىلعان. ال ءبىز ولاردى ناتو ارقىلى قورعاۋدامىز» - دەپ مالىمدەدى اق ءۇي باسشىسى.

بۇعان دەيىن باق بەتتەرىندە اقش-تىڭ بىرقاتار ەۋرووداق تاۋارلارىنا كەدەن سالىعىن سالاتىندىعى جونىندە اقپارات تاراعان. كەيىننەن سالىق سالىناتىن تاۋارلاردىڭ كولەمى ارتقاندىعى بەلگىلى بولاعان. مامىر ايىندا ترامپ ەۋرووداقتان باراتىن كولىكتەر مەن اۆتو بولشەكتەرگە سالىق سالۋدى كەيىنگە قالدىرعان.

"The Qazaq Times"