حالىقارالىق ۆاليۋتا قورىنىڭ باسشىسى وتستاۆكاعا كەتپەك

حالىقارالىق ۆاليۋتا قورىنىڭ باسقارۋشىسى كريستين لاگارد وتستاۆكاعا كەتۋ تۋرالى شەشىم قابىلدادى.

وتستاۆكا تۋرالى شەشىم 12 قىركۇيەكتە كۇشىنە ەنەدى. لاگارد ءوزى قالدىرعان مالىمدەمەدە: «مەن اتقارۋشى كەڭەسپەن كەزدەستىم جانە 12 قىركۇيەكتە كۇشىنە ەنەتىن، وتستاۆكاعا كەتەتىندىگىم تۋرالى ءوتىنىش جازدىم. دەۆيد ليپتون ءبىزدىڭ وكىمشى-ديرەكتور مىندەتىن اتقارۋشى بولىپ قالادى»، – دەگەن. ونىڭ پىكىرىنشە، مۇنداي قادام ۆاليۋتالىق قوردىڭ باسشىسىن تەزىرەك سايلاپ الۋعا مۇمكىندىك بەرەدى.

كريستين لاگارد قوردى 2011 جىلدىڭ قىركۇيەگىنەن بەرى باسقارىپ كەلەدى. وسىدان ەكى اپتا بۇرىن ەۋرووداق كوشباسشىلارى لاگاردتى ەۋروپانىڭ ورتالىق بانكىنىڭ باسقارۋشى-ديرەكتورى قىزمەتىنە ۇسىندى. ەۋروپارلامەنت دەپۋتاتتارى بۇل تاڭداۋدى قولداسا، لاگارد ورتالىق بانكتى باسقارعان العاشقى ايەل اتانباق.

"The Qazaq Times"