پارلامەنت ءماجىلىسىنىڭ جالپى وتىرىسىندا پالاتا دەپۋتاتتارى «قازاقستان مەن ۋكراينا اراسىنداعى ەكستراديتسيالاۋ تۋرالى شارتتى» راتيفيكاتسيالاماق.
ءماجىلىستىڭ زاڭناما جانە سوت-قۇقىقتىق رەفورما كوميتەتىنىڭ توراعاسى نۇرلان ءابدىروۆ: «شارتقا سايكەس تاراپتار ءبىر-بىرىنە ولاردىڭ اۋماعىندا جۇرگەن ىزدەستىرىلىپ جاتقان ادامداردى ۇستاپ بەرۋگە اكەلەتىن قىلمىستار ءۇشىن قىلمىستىق قۋدالاۋدى جۇزەگە اسىرۋ نەمەسە سوت ۇكىمىن ورىنداۋ ءۇشىن ۇستاپ بەرۋگە مىندەتتەنەدى. شارتتى راتيفيكاتسيالاۋ ەكى ەلدىڭ قىلمىسقا قارسى كۇرەستەگى ىنتىماقتاستىعىنىڭ تيىمدىلىگىن ارتتىرادى. كوميتەت زاڭ جوباسىن جۇمىسقا الۋعا جانە ول بويىنشا 2020 جىلعى 27 مامىرعا دەيىنگى مەرزىمدە قورىتىندى ازىرلەۋگە دايىن»، – دەپ حابارلادى. اتالعان زاڭ بىلتىر 29 ناۋرىزدا بەكىتىلگەن.
بۇل زاڭمەن قاتار، پارلامەنت دەپۋتاتتارى ، «2003 جىلعى 25 جەلتوقسانداعى قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ ۇكىمەتى اراسىنداعى مەملەكەتتىك شەكارا ارقىلى وتكىزۋ پۋنكتتەرى تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسىن جانە «تمد-عا قاتىسۋشى مەملەكەتتەردىڭ اقپاراتتىق تەحنولوگيالار سالاسىنداعى قىمىستارمەن كۇرەستەگى ىنتىماقتاستىعى تۋرالى كەلىسىمدى راتيفيكاتسيااۋ تۋرالى» زاڭ جوباسىن دا قاراستىرماق.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟