ەۋروپا ەلدەرى يرانمەن جاڭا مەحانيزمدى ىسكە قوستى

فرانتسيا، گەرمانيا جانە ۇلىبريتانيا يرانمەن INSTEX قارجىلىق ەسەپ ايىرىسۋ مەحانيزمىن ىسكە قوستى.

Politico باسىلىمىنىڭ مالىمەتىنشە، اتالعان مەحانيزممەن بىرنەشە جوسپارلار ءساتتى جۇزەگە اسقان. ولاردىڭ قاتارىندا قارجىلىق اينالىم، كاسىپتىك بايلانىس، تاۋار الماسۋ بار. الداعى كۇندەرى ەۋروپانىڭ باسقا ەلدەرى دە وسى جۇيەگە قوسىلماق. وسىعان بايلانىستى ەكونوميكالىق ساراپشى حاميدرەزا تاەماسبي: «اقش پەن يراننىڭ كەلىسپەۋشىلىگى ەندى جويىلاتىن سەكىلدى. ءبىز سولاي دەپ ۇمىتتەنىپ وتىرمىز. ۋاشينگتونعا بۇل سانكتسيالاردىڭ ەشكىمگە قاجەت ەمەستىگىن اڭعارتتىق. ونىڭ جاقىن وداقتاستارى رەسمي پاريج، بەرلين جانە لوندون وسىنى ءتۇسىندى. بىرەۋلەر بۇل جايتتى جاپپاي «دوللارسىزدانۋدىڭ» قادامى دەپ ويلار. مەيلى، سولاي-اق بولسىن. سەبەبى، ءبىزدىڭ بيزنەسكە ول كەرى اسەر ەتەدى. كەلىسىمدەرىمىز جويىلىپ جاتسا، وعان وسىنداي جاۋاپ قايتارۋىمىز زاڭدىلىق»، – دەيدى.

ەۋروپا INSTEX مەحانيزمىنە ءبىراز جىل دايىندالدى. ونى باسقارۋشى رەتىندە گەرمانيالىق مامان تاعايىندالدى. جاڭا جۇيەنىڭ كەڭسەسى پاريجدە ورنالاسادى دەپ شەشىلسە، بريتانيالىقتار باقىلاۋشى كەڭەسكە جەتەكشىلىك ەتپەك.

"The Qazaq Times"