فوتو: https://www.repstatic.it

اقش پەن مەكسيكا شەكاراسىنداعى جاعداي شيەلەنىسىپ، ميگراتسيالىق ماسەلە تۋىنداتىپ وتىر.

سول سەبەپتى اقش كونگرەسىنىڭ وكىلدەر پالاتاسى اتالعان ماسەلەنى شەشۋگە 4,5 ميلليارد دوللار بولمەك. قارجىنىڭ 3 ميلليارد دوللارى ەل اۋماعىنا اتا-اناسىز كەلگەن بالالاردى كۇتۋگە جۇمسالادى. ال 1 جارىم ميللياردتان استام دوللار زاڭسىز ميگرانتتاردى ازىق-تۇلىك جانە باسپانامەن قامتاماسىز ەتۋگە بولىنەدى.

تومەنگى پالاتا وسىنداي زاڭ جوباسىن قابىلداعانىمەن، سەناتتاعىلار وزدەرىنىڭ جەكە جوباسىن ازىرلەگەن. قوس تاراپتىڭ پىكىرى كەزەكتى مارتە ەكىگە بولىنگەندىكتەن، اق ءۇي باسشىسى دونالد ترامپ زاڭعا ۆەتو قوياتىنىن مالىمدەدى.

وسىعان دەيىن اقش-تىڭ يمميگراتسيالىق جانە كەدەندىك باقىلاۋ قىزمەتىنىڭ باسشىسى كەۆين ماكەلينەن: «بوسقىنداردى ەلىنە قايتارامىز. امەريكا كوشباسشىسىنىڭ مالىمدەمەسىنە ساي، قۇقىق بۇزۋعا جانە زاڭسىز ارەكەتتەرگە جول بەرمەيمىز»، – دەگەن بولاتىن. زاڭسىز جولمەن شەكارا اسپاق بولعان بوسقىنداردى ەلىنە قايتارۋ ءۇشىن شەكاراعا قارۋلى اسكەريلەر ورنالاستىرىلعان. دەگەنمەن، جاقىندا تەحاستا 300 ميگرانت بالا ناشار جاعدايدا ۇستالعانى بەلگىلى بولىپ، قوعامنىڭ نارازىلىعىن تۋدىرعان. جانجالدان كەيىن كەدەن-شەكارا قىزمەتىنىڭ باسشىسى قىزمەتىنەن كەتتى.

"The Qazaq Times"