ەۋروپادا اپتاپ ىستىق مىڭداعان ادامنىڭ ومىرىنە قاۋىپ توندىرۋدە

باتىس جانە ورتالىق ەۋروپادا ەلدەرىندە كۇننىڭ قاتتى ىستىعى اپاتتى جاعداي رەتىندە قارالۋدا. كەشەگى كۇننىڭ وزىندە فرانتسيا، يسپانيا جانە پورتۋگاليا ەلدەرىندە جوعارى تەمپەراتۋرا  رەكوردتىق كورسەتكىشكە جەتكەن. بيىلعى ماۋسىم ايى ەۋروپانىڭ كوپ ەلدەرىندە تاريحتا تىم سيرەك بولعان اپتاپ ىستىققا تاپ بولدى. 

اۋا رايىن بولجاۋشىلار ەۋروپانىڭ بيىلعى جازى 2003 جىلدان بەرگى ەڭ ىستىق جاز بولاتىنىن ەسكەرتىپ جاتىر. 2003 جىلى جازدا ( ماۋسىم مەن تامىز ايلارىنىڭ اراسىندا) ەۋروپاداعى اپتاپ ىستىقتان نەشە ون مىڭداعان ادام جۋىق ادام كوز جۇمعان ەدى. ونىڭ ۇستىنە بيىلعى اۋا رايىنىڭ وزگەرىسى تىم تەز بولعاندىقتان، ادامدار اداپتاتسياعا ۇلگىرە الماي قالاتىندىقتان، زارداپ شەگەتىندەر ءتىپتى دە كوپ بولۋى مۇمكىن دەگەن بولجامدار دا بار.

پوتسدام ۋنيۆەرسيتەتىنىڭ كليماتولوگى ستەفان رامشتورف ءوزىنىڭ الەۋمەتتىك جەلى پاراقشاسىندا: "2003 جىلعى انومالدى ىستىق اۋا رايىنان ەۋروپادا 70 مىڭ ادام كوز جۇمعان ەدى.... گەرمانيادا بىلتىرعى اپاتتى جاعدايدان مىڭنان استام ادام مەرت بولعان", – دەپ جازدى.

كليماتولوگتاردىڭ بولجامىنا سەنسەك، ەرتەڭ مادريد قالالارىندا ەڭ جوعارى تەمپەراتۋرا تىركەلمەك. فرانتسيا مەن يسپانيانىڭ كەيبىر ايماقتارىندا اۋا تەمپەراتۋراسى 39-40س° بولماق. اۋا رايىن زەرتتەۋشى ماماندار ەۋروپاداعى اۋا رايى وزگەرىسى ساحارا شولىنەن كەلگەن جىلى اۋا اعىسىنىڭ اسەرىنەن ەكەنىن ايتۋدا.

“The Qazaq Times”