ىستامبۇل مەرىن قايتا سايلاۋ كەزىندە وپپوزيتسيا كانديداتى ەكرەم يماموگلۋ جەڭىسكە جەتتى. تۇركيا پرەزيدەنتى رەجەپ تايىپ ەردوعان باسقاراتىن ادىلدىك جانە دامۋ پارتياسى (پسر) مۋنيتسيپالدىق سايلاۋدا العاش رەت جەڭىلىس تاپتى.
Anadolu اگەنتتىگىنىڭ مالىمەتى بويىنشا، وپپوزيتسيالىق حالىقتىق-رەسپۋبليكالىق پارتيادان ۇمىتكەر ەكرەم يماموگلۋ 54%، ال پرەزيدەنتتىك پارتيادان ۇمىتكەر، پارلامەنتتىڭ ەكس-سپيكەرى بينالى يىلدىرىم 45,1% داۋىس جيناعان. سايلاۋدا وپپوزيتسيالىق توپ فاتيح، ۋسكۋدار، ەيۋپ جانە بەيكوز اۋداندارى بويىنشا دا باسىم تۇسكەن. ول كەزدە ەكرەم يماموگلۋ بينالي يىلدىرىمدى باسىپ وزىپ، ءتورت ميلليوننان استام داۋىس جينادى. ناتيجە بەلگىلى بولعاننان كەيىن، ەردوعان دا، يىلدىرىم دا جەڭىلىستى مويىنداپ، وپپوزيتسيا كانديداتىن قۇتتىقتادى. ەندى «ادىلدىك جانە دامۋ» پارتياسى 2002 جىلدان بەرى العاش رەت ىستامبۇلدى باسقارۋ قۇقىعىنان ايىرىلماق.
31 ناۋرىزدا وتكەن سايلاۋ كەزىندە «زاڭ بۇزۋشىلىقتار مەن بۇرمالاۋ بولدى» دەگەن شاعىمنان كەيىن، داۋىس بەرۋ قورىتىندىسى زاڭسىز دەپ تانىلعان. سول ۋاقىتتا تۇركيا ورتالىق سايلاۋ كوميسسياسى اۋەلدە وپپوزيتسيا كانديداتى يماموگلۋنىڭ جەڭىسى زاڭدى بولدى دەپ مالىمدەدى. الايدا، ناتيجە جويىلعان سوڭ قالادا نارازىلىق اكتسيالارى باستالدى.
23 ماۋسىمدا ىستامبۇلدا قالا اكىمىن قايتا سايلاۋ ءوتتى. اكىمدىككە 20 شاقتى ۇمىتكەر بار بولعانىمەن نەگىزگى تارتىس پرەزيدەنت ەردوعان جەتەكشىلىك ەتەتىن پارتيا ۇمىتكەرى بينالي يىلدىرىم مەن وپپوزيتسيالىق حالىقتىق-رەسپۋبليكالىق پارتياسىنىڭ كانديداتى ەكرەم يماموگلۋ اراسىندا جۇرگەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟