تبيليسيدە پارلامەنت عيماراتى الدىندا نارازىلىق بىلدىرۋشىلەردى تارقاتۋ ءۇشىن رەزىڭكە وق پەن جاس اعىزاتىن گاز قولدانىلدى. دەنساۋلىق ساقتاۋ مينيسترلىگىنىڭ حابارلاۋىنشا، 14 نارازىلىق ءبىلدىرۋشى مەن 38 پوليتسيا وكىلى جارالانعان.

بەيسەنبى كۇنى كەشكىسىن ونداعان مىڭ ادام گرۋزيا پارلامەنتى الدىنا جينالدى. حالىقتىڭ كوشەگە شىعۋىنا پارلامەنتارالىق اسسامبلەيا وتىرىسىنا رەسەي مەملەكەتتىك دۋماسىنىڭ دەپۋتاتى سەرگەي گاۆريلوۆتىڭ قاتىسۋى سەبەپ بولدى.

گاۆريلوۆ اسسامبلەيانىڭ پرەزيدەنتى ەكەنىنە قاراماستان، نارازىلىق بىلدىرۋشىلەر ونىڭ گرۋزيا پارلامەنتىندە اسسامبلەيا وتىرىسىن جۇرگىزىپ وتىرعانىنا نارازى بولدى. گاۆريلوۆ تبيليسيگە بارار ساپارى الدىندا ابحازيا مەن وڭتۇستىك وسەتيا رەسەيدىكى دەپ ەسەپتەيتىنىن ايتقان.

ميتينگتى ۇيىمداستىرعان وپپوزيتسيالىق پارتيا وكىلدەرى بولدى. ولار پارلامەنت سپيكەرى مەن ىشكى ىستەر ءمينيسترىنىڭ وتستاۆكاسىن تالاپ ەتىپ جاتىر. پارلامەنت توراعاسى يراكلي كوباحيدزە قىزمەتىنەن كەتپەيتىنىن مالىمدەدى.

نارازىلىق بىلدىرۋشىلەر پارلامەنتكە باسىپ كىردى. وقيعا ورنىنا پرەمەر-مينيستر مامۋكا باحتادزە باردى.

گرۋزيانىڭ ەكس-پرەزيدەنتى ميحايل سااكاشۆيلي پوليتسيانى نارازىلىق بىلدىرۋشىلەرگە قوسىلۋعا شاقىردى.

"The Qazaq Times"