قىتاي باسشىسى شي جينپيڭ العاش رەت مەملەكەتتىك ساپارمەن سولتۇستىك كورەياعا بارماق. ول بۇل ساپارىندا سولتۇستىك كورەيانىڭ باسشىسى كيم جوڭ ۋنمەن (كيم چەن ىن) كەزدەسىپ، كورەي تۇبەگى ماسەلەسى تۋرالى تالقىلايدى. بۇل تۋرالى قىتاي ءسىم تارابى رەسمي مالىمدەمە جاسادى. مالىمدەمەدە شي ءجينپيڭنىڭ سولتۇستىك كورەياداعى مەملەكەتتىك ساپارى بەيسەنبى كۇنى باستالاتىنىن جانە ەكى كۇنگە جالعاساتىنى ايتىلعان. قىتاي باسشىسىنىڭ سولتۇستىك كورەياعا ساپارلاي بارۋى سوڭعى 14 جىلدا بولماعان.
قىتاي باسشىسىنىڭ سولتۇستىك كورەيا ساپارلاي بارۋى جاپونيانىڭ وساكا قالاسىندا وتەتىن "ۇلكەن جيىرمالىق" ءسامميتىنىڭ الدىندا بولاتىنى دا الەم ەلدەرىنىڭ نازارىن اۋدارادى. بۇل سامميتتە قىتاي باسشىسى اقش پرەزيدەنتى دونالد ترامپپەن كەزدەسۋ جوسپارلاعان. ءارى، شي مەن ترامپ اراسىنداعى كەزدەسۋدە ساۋدا سوعىسى مەن كورەي تۇبەگى ماسەلەلەرى تالقىلانادى دەپ كۇتىلگەن.
قىتاي سولتۇستىك كورەيانىڭ ەڭ نەگىزگى ەكونوميكالىق جانە ديپلوماتيالىق قولداۋشىسى رەتىندە بەلگىلى. سولاي دا، قىتاي باسشىلارى قاتارىنان شي جينپيڭنەن بۇرىنعى قكپ جەتەكشىسى حوۋ جينتاۋ (حۋ تسزينتاو) 2005 جىلى سولتۇستىك كورەياعا ساپارلاي بارعان. شي بيلىككە كەلگەننەن بەرى سولتۇستىك كورەيا باسشىسى قىتايعا 4 رەت مەملەكەتتىك ساپارمەن باردى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى