بايدەن: دەموكراتيا قىتاي باسشىسىنىڭ سۇيەگىندە دە جوق

بايدەن بيلىككە كەلگەننەن بەرى قىتاي باسشىسىمەن سويلەسپەگەن. بۇل تۋرالى ول 7 اقپان، جەكسەنبى كۇنى CBS تەلەارناسىنا بەرگەن سۇحباتىندا ايتتى. كەزەكتى سۇحباتىندا بايدەن اقش-قىتاي اراسىنداعى قارىم-قاتىناستى تالقىلاعان.

«وعان قوڭىراۋ شالۋعا ەشقانداي سەبەپ جوق»، – دەگەن بايدەن قىتاي باسشىسى شي ءجينپيڭدى «ول وتە اقىلدى جانە قاتال» دەپ باعالاعان. سونداي-اق قىتايمەن قارىم-قاتىناس ترامپ كەزىنەن وزگەشە بولاتىنىن ايتقان. بايدەن شي جينپيڭ تۋرالى سوزىندە: «ول سىنامايدى، سوندىقتان مەندە ونى سىناعىم كەلمەيدى، بىراق دەموكراتيا شي ءجينپيڭنىڭ سۇيەگىندە دە جوق»، – دەگەن.

«مەن وعان ءاردايىم قاقتىعىسۋدىڭ قاجەتى جوق ەكەنىن ايتىپ كەلەمىن»، – دەيدى بايدەن ءوزىنىڭ ۆيتسە-پرەزيدەنت بولىپ تۇرعان كەزدەگى (2009-2017) شي جينپيڭمەن بولعان كەزدەسۋلەرىن ەسكە الىپ. «بىراق قاتتى باسەكەلەستىك بولادى. مەن مۇنى ول بىلگەندەي جاسامايمىن. سەبەبى ول دا سيگنال جىبەرىپ جاتىر. مەن ونى ترامپ سياقتى جاسامايمىن. ءبىز حالىقارالىق ەرەجەلەرگە نازار اۋدارامىز»، – دەيدى اق ءۇي جەتەكشىسى.

“The Qazaq Times”