قر ەلشىسى ءال-سالام سارايىندا. فوتو: قر ءسىم.

كەشە قازاقستان رەسپۋبليكاسىنىڭ ساۋد ارابياسى كورولدىگىندەگى ەلشىسى بەرىك ارىن ساۋد پاتشاسى سالمان بين ابدۋل ازيز اس-ساۋدپەن كەزدەسىپ، سەنىم گراموتاسىن تاپسىردى. 

قر سىرتىق ىستەر مينيسترلىگىنىڭ رەسمي مالىمەتىنە قاراعاندا، كورول سالماننىڭ ءال-سالام سارايىندا وتكەن كەزدەسۋدە ساۋد پاتشاسى قازاقستاننىڭ جاڭا پرەزيدەنتى قاسىم-جومارت توقاەۆقا سالەم جولداپ، قازاقستان حالقىنىڭ تولاسسىز دامۋ، وركەندەۋىنە تىلەيتىنىن جەتكىزگەن. ول سونداي-اق، قازاقستان مەن ساۋد ارابياسى اراسىنداعى قارىم-قاتىناستى جالعاستى دامىتۋعا مۇددەلى ەكەنىن دە ايتقان. ساۋل اۋلەتىنىڭ تاعىنداعى كورول سالمان بەرىك ارىننىڭ ديپلوماتيالىق قىزمەتىنە تابىس تىلەگەن.

قازاقستان مەن ساۋد كورولدىگى اراسىندا ديپلوماتيالىق قاتىناستار 1994 جىلى باستالعان بولاتىن. ءبىر جىلدان كەيىن رياد قالاسىندا قازاقستان رەسپۋبليكاسىنىڭ ەلشىلىگى جۇمىس ىستەي باستاعان. قازىر ەكى ەل اراسىنداعى ساۋدا كولەمى 20 ملرد اقش دوللارىنان اسادى.

“The Qazaq Times”