اق ءۇي كەڭەسشىسى: تاريفتەردى جوعارلاتۋ قىتاي ەكونوميكاسىنا ۇلكەن اسەر ەتتى

سەيسەنبى كۇنى اق ءۇيدىڭ ۇلتتىق قاۋىپسىزدىك جونىندەگى كەڭەسشىسى جون بولتون مالىمدەمە جاساپ، ترامپ ۇكىمەتىنىڭ تاريفتىك شارالارى قىتاي ەكونوميكاسىنا ۇلكەن اسەر ەتكەنىن ايتتى. ول جانە مالىمدەمەسىندە، جاپونيانىڭ وساكا قالاسىندا وتەتىن G20 سامميتىندە اقش-قىتاي ساۋدا قايشىلىعى شەشىلەدى دەپ ءۇمىت كۇتپەيتىنىن دە جەتكىزگەن. 

سەيسەنبى كۇنى The Wall Street Journal باسىلىمى ۇيىمداستىرعان كونفەرەنتسيادا جۋرناليستەر بولتوننان قىتاي ەكسپورتىنا جوعارى تاريف ەنگىزۋدىڭ قانداي ناتيجە بەرەتىنىن سۇراعان. بولتون سوزىندە: "مەنىڭ ويىمشا، جوعارى تاريف ەنگىزۋ قىتاي ەكونوميكاسىنا ۇلكەن اسەر ەتەدى. بالكىم، تاريف ارى قاراي جالعاسا بەرسە ودان دا جوعارى اسەرىن تيگىزەتىن بولادى", – دەگەن.

ونىڭ ايتۋىنشا، قىتاي ۇكىمەتى اقش-تى بۇنداي قادامعا بارادى دەپ ويلاماعانىن، قازىر جوعارى تاريف قىتاي ۇكىمەتىن الاڭداتىپ وتىرعاندىقتان، بۇل ءۇردىس ولاردىڭ ەكونوميكالىق مودەلدى وزگەرتۋگە ماجبۇرلەيدى.

اقش-تى قامتىعان باتىس ەلدەرى قىتاي ەكونوميكالىق ساياساتىنا قاتىستى ەكى ءتۇرلى سىن ايتادى. بىرىنشىدەن، قىتاي دسۇ كىرگەننەن كەيىن، حالىقارالىق نورمالارعا ساي بولۋ ءۇشىن، ءوزىنىڭ جۇيەسى مەن ەكونوميكالىق مودەلىن وزگەرتۋى ءتيىس ەدى. بىراق، بەيجىڭ بۇل جاعىندا باتىستىڭ كۇتكەن جەرىنەن شىققان جوق. ەكىنشىدەن، قىتاي ەكونوميكالىق دامۋدان كەيىن، دەموكراتيالىق جاڭعىرۋعا جول اشۋى كەرەك ەدى. بۇل جاعىندا قىتايدىڭ كەرى كەتىپ بارا جاتقانى باتىس ەلدەرىن الاڭداتادى.

بولتوننىڭ ايتۋىنشا، الداعى وساكا سامميتىندە اقش پەن قىتاي ساۋدا قايشىلىعى تۇبەگەيلى شەشىلىپ كەتپەيدى. الايدا، ترامپ پەن شي اراسىنداعى كەزدەسۋدىڭ باستى تاقىرىبى ساۋدا كەلىسىمى بولادى.

“The Qazaq Times”