فوتو: ازاتتىق راديوسى

قاسىم-جومارت توقاەۆ ەلدە بولىپ جاتقان نارازىلىقتارعا پىكىر ءبىلدىردى. 

"نۇر وتان" پارتياسى اتىنان كەزەكتەن تىس پرەزيدەنت سايلاۋىنا ءتۇسىپ جاتقان، ەلدىڭ قازىرگى پرەزيدەنتى قاسىم-جومارت توقاەۆ "ەلدەگى نارازىلىقتان حابارىڭىز بار ما؟ "توقاەۆ ءبىزدىڭ پرەزيدەنتىمىز ەمەس" دەگەن ەلدە كوتەرىلىپ جاتقان ۇرانعا نە ايتاسىز؟" دەگەن ازاتتىق ءتىلشىسىنىڭ سۇراعىنا:

- ونىڭ بارىنەن حابارىم بار. مەن ءارتۇرلى جاڭالىقتاردى ەستىپ وتىرمىن. بۇل حالىقتىڭ تاڭداۋى. ەگەر كەيبىر ازاماتتار وسىنداي ۇراندار تاستاسا، ەندى ولاردىڭ تاڭداۋى سونداي، - دەپ جاۋاپ بەردى.

ول بۇل ءسوزىن 9 ماۋسىمدا ەلورداداعى "استانا وپەرا" تەاترىندا ورنالاسقان سايلاۋ ۋچاسكەسىنە داۋىس بەرۋگە بارعان كەزدە ايتقان.

"The Qazaq Times"