اقش باستاعان 16 مەملەكەت جاڭا دەكلاراتسيا قابىلدادى

اقش جانە ۇلىبريتانيا باستاعان ون التى مەملەكەت الەمدىك شيەلەنىسكە قارسى تۇرۋ ماقساتىندا كۇش بىرىكتىرمەك. بۇل تۋرالى نورمانديادا وتكەن باسقوسۋدا ءمالىم بولدى.

بىرلەسكەن مەملەكەتتەر الەمدىك تۇراقتىلىقتى ساقتاۋ جانە بەيبىتشىلىكتى نىعايتۋعا باعىتتالعان جاڭا دەكلاراتسيا قابىلدادى.  دەكلاراتسيانىڭ ماقساتى – ەكىنشى دۇنيەجۇزىلىك سوعىسقا ۇقساس قاقتىعىستىڭ قايتالانۋىنا جول بەرمەۋ. وسى رەتتە اقش وكىلدەرى: «ءبىز دوس جانە وداقتاستار رەتىندە سىندارلى جۇمىس ىستەۋگە مىندەتتىمىز. ءبىزدىڭ پىكىرىمىز ارقاشان ورتاق ۇستانىم تاۋىپ، حالىقارالىق شيەلەنىستى بەيبىت جولمەن شەشۋ ءۇشىن بىرلەسىپ ارەكەت ەتەمىز»، – دەپ مالىمدەدى.

قۇجاتتا: «سوڭعى 75 جىلدا مەملەكەتتەرىمىز ەۋروپادا بەيبىتشىلىكتى ساقتاۋعا، دەموكراتيانى، توزىمدىلىكتى جانە زاڭنىڭ ۇستەمدىگىن نىعايتۋدى ماقسات ەتتى. ءبىز وسى ەركىندىكتى قورعاۋ ءۇشىن وداقتاستار مەن دوستار رەتىندە بىرگە جۇمىس ىستەيتىن بولامىز»، – دەلىنگەن. دەكلاراتسياعا اقش، ۇلىبريتانيا، اۋستراليا، بەلگيا، كانادا، چەحيا، دانيا، فرانتسيا، گەرمانيا، گرەتسيا، ليۋكسەمبۋرگ، نيدەرلاندى، نورۆەگيا، جاڭا زەلانديا، پولشا جانە سلوۆاكيا ەلدەرى قول قويدى.

"The Qazaq Times"