اقش پرەزيدەنتى دونالد ترامپ 2020 جىلى وتەتىن پرەزيدەنتتىك سايلاۋدا ءوز كانديداتۋراسىن ۇسىنباق.
اق ءۇي باسشىسى ءوزىنىڭ Twitter-دەگى جازباسىندا: «مەن ءبىرىنشى لەدي مەلانيا، ۆيتسە-پرەزيدەنت مايك پەنس جانە ەكىنشى لەدي كارەن پەنسپەن بىرگە 18 ماۋسىمدا فلوريدا شتاتىنداعى ورلاندودا، 20 000 كورەرمەن سىياتىن Amway ورتالىعىندا پرەزيدەنتتىكتىڭ ەكىنشى كەزەڭى ءۇشىن باق سىنايتىنىمدى جاريالايمىن. وسى تاريحي ساتتە بىزبەن بىرگە بولىڭىزدار!» - دەدى.
وسىعان دەيىن ترامپ كەلەسى جىلى وتەتىن سايلاۋعا قاتىستى پىكىر بىلدىرگەن بولاتىن. اق ءۇي باسشىسىنىڭ ايتۋىنشا، پرەزيدەنتتىك سايلاۋدا ۇمىتكەر اتانا الاتىن ەكى ادام عانا بار: ونىڭ ءبىرى — اقش ۆيتسە-پرەزيدەنتى دجو بايدەن بولسا، ەكىنشىسى — سەناتور بەرني ساندەرس. دەگەنمەن، ترامپ Twitter پاراقشاسىندا: «بۇل ەكەۋى دە اقش-تىڭ قازىرگى ەكونوميكاسىن دامىتۋعا قاۋقارسىز»، — دەپ، باستى قارسىلاستارىنىڭ ءبىرىن «جالقاۋ»، ال ەكىنشىسىن «ۇيقىباس» دەپ اتادى. دەموكراتتار ۇسىنعان ساندەرستىڭ جەكە اكتيۆىندە 18 ملن دوللار بار. ال بايدەن سايلاۋعا قاتىساتىنى جايلى ءالى كۇنگە دەيىن رەسمي مالىمدەمە جاساعان جوق.
2020 جىلى قۇراما شتاتتارىندا وتەتىن پرەزيدەنتتىك سايلاۋعا قازىردىڭ وزىندە جيىرمادان استام شەنەۋنىك ءوز كانديداتۋراسىن ۇسىنعان. ماسەلەن، دەموكراتيالىق پارتيادان جازۋشى مارياننا ۋيليامسون، سەناتورلار كوري بۋكەر، بەرني ساندەرس، كامالا حارريس، وكىلدەر پالاتاسىنىڭ مۇشەلەرى تۋلسي گاببارد، دجون دەلەيني، ەكس-مينيستر حۋليان كاسترو ەل باسقارۋعا ءۇمىتتى. ال رەسپۋبليكاشىلار پارتياسىنان قازىرگى پرەزيدەنت دونالد ترامپ، ەكس-سەناتورلار بوب كوركەر مەن دجەفف فلەيك، 1989-1993 جىلدارى اقش ۆيتسە-پرەزيدەنتى اپپاراتىنىڭ باسشىسى بولعان ۋيليام كريستول جانە وزگە دە بەس ۇمىتكەر بار.
اتالعان ەكى ءىرى توپتان بولەك، 1971 جىلى قۇرىلعان ءۇشىنشى ساياسي ۇيىم، ياعني ليبەرتاريان پارتياسى دا ءوز ۇمىتكەرلەرىن ۇسىنىپ وتىر. ساراپشىلاردىڭ پىكىرىنشە، دونالد ترامپ پەن گۋبەرناتور ۋيليام ۋەلد پرەزيدەنت بولۋعا باستى ۇمىتكەرلەر قاتارىندا.
اقش-تا كەزەكتى پرەزيدەنتتىك سايلاۋ 3 قاراشاعا جوسپارلانعان. قۇراما شتات كونستيتۋتسياسىنىڭ ءىى بابىنا سايكەس، پرەزيدەنت بولىپ سايلانۋ ءۇشىن كانديدات امەريكادا كەمىندە 14 جىل تۇرعان جانە جاسى 35-تەن اسقان اقش ازاماتى بولۋى ءتيىس. كانديداتتار نەگىزىندە ارنايى ساياسي پارتيالاردىڭ بىرىنەن پرايمەريز ارقىلى ۇسىنىلادى. اقش-تاعى پرەزيدەنتتىك پرايمەريز — 1842 جىلدان باستاپ شتاتتار دەڭگەيىندە وتكىزىلەتىن باستاپقى سايلاۋ ينستيتۋتى. جەرگىلىكتى سايلاۋ قورىتىندىلارى بويىنشا، پرەزيدەنتتىككە بىرىڭعاي پارتيالىق كانديدات ايقىندالۋى ءتيىس.
ەسكە سالا كەتەيىك، دونالد ترامپ 2016 جىلعى 8 قاراشادا پرەزيدەنت سايلاۋىندا جەڭىسكە جەتىپ، امەريكانىڭ 45-ءشى پرەزيدەنتى اتاندى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟