ۋكراينادا 2020 جىلدان باستاپ بالالار ۇيلەرى بالالاردى قابىلدامايدى. بۇل جايلى ۋكراينا دەنساۋلىق ساقتاۋ ءمينيسترىنىڭ مىندەتىن اتقارۋشى ۋليانا سۋپرۋن Facebook-تەگى پاراقشاسىندا جازدى.
ۋكراينفورم سايتى دا حابارلاعانداي، سۋپرۋن سوزىندە: «شىندىعىندا ۋكرايناداعى وسىنداي مەكەمەلەردە تۇراتىن بالالاردىڭ تەك 8%-ى جەتىم بالالار مارتەبەسىنە يە. ولاردىڭ اتا-انالارى ءۇشىن بالالارىن ءوسىرىپ-جەتىلدىرۋ قيىندىق تۋعىزادى. ولار كومەككە مۇقتاج»، – دەيدى. ونىڭ ايتۋىنشا، جاقسى جاعداي جاسالعان ەشبىر ۇلگىلى ينتەرنات مەكەمەسى وتباسىن الماستىرا المايدى، سول سەبەپتى ۇكىمەت اتا-اناسىنسىز تۇراتىن بالالاردى قولداۋ جۇيەسىنە وزگەرىستەر ەنگىزۋدى قولعا الدى.
سونىمەن قاتار، ۋكراينا بيلىگى وسى جىلدان باستاپ بالالار ءوز وتباسىلارىندا ءومىر ءسۇرۋ ءۇشىن وتباسىلارىنا كومەكتەسۋدى قولعا الماق. سۋپرۋن وسى ماسەلەگە قاتىستى: «وتكەن جىلى ۋكراينا مينيسترلەر كابينەتىنىڭ «وڭالتۋ ورتالىقتارى جانە بالالارعا پاللياتيۆتىك كومەك تۋرالى ەرەجەنى بەكىتۋ تۋرالى» قاۋلىسىنىڭ جوباسىن دايىندادىق. سونىڭ نەگىزىندە بالالار ۇيلەرىن مەديتسينالىق وڭالتۋ جانە پاللياتيۆتىك كومەك ورتالىقتارىنا اينالدىرۋ قاراستىرىلعان»، – دەدى.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى