ۋكراينا پرەزيدەنتى ۆلاديمير زەلەنسكي. فوتو: https://begemot.media

ۋكراينادا 2020 جىلدان باستاپ بالالار ۇيلەرى بالالاردى قابىلدامايدى. بۇل جايلى ۋكراينا دەنساۋلىق ساقتاۋ ءمينيسترىنىڭ مىندەتىن اتقارۋشى ۋليانا سۋپرۋن Facebook-تەگى پاراقشاسىندا جازدى.

ۋكراينفورم سايتى دا حابارلاعانداي، سۋپرۋن سوزىندە: «شىندىعىندا ۋكرايناداعى وسىنداي مەكەمەلەردە تۇراتىن بالالاردىڭ تەك 8%-ى جەتىم بالالار مارتەبەسىنە يە. ولاردىڭ اتا-انالارى ءۇشىن بالالارىن ءوسىرىپ-جەتىلدىرۋ قيىندىق تۋعىزادى. ولار كومەككە مۇقتاج»، – دەيدى. ونىڭ ايتۋىنشا، جاقسى جاعداي جاسالعان ەشبىر ۇلگىلى ينتەرنات مەكەمەسى وتباسىن الماستىرا المايدى، سول سەبەپتى ۇكىمەت اتا-اناسىنسىز تۇراتىن بالالاردى قولداۋ جۇيەسىنە وزگەرىستەر ەنگىزۋدى قولعا الدى.

سونىمەن قاتار، ۋكراينا بيلىگى وسى جىلدان باستاپ بالالار ءوز وتباسىلارىندا ءومىر ءسۇرۋ ءۇشىن وتباسىلارىنا كومەكتەسۋدى قولعا الماق. سۋپرۋن وسى ماسەلەگە قاتىستى: «وتكەن جىلى ۋكراينا مينيسترلەر كابينەتىنىڭ «وڭالتۋ ورتالىقتارى جانە بالالارعا پاللياتيۆتىك كومەك تۋرالى ەرەجەنى بەكىتۋ تۋرالى» قاۋلىسىنىڭ جوباسىن دايىندادىق. سونىڭ نەگىزىندە بالالار ۇيلەرىن مەديتسينالىق وڭالتۋ جانە پاللياتيۆتىك كومەك ورتالىقتارىنا اينالدىرۋ قاراستىرىلعان»، – دەدى.

"The Qazaq Times"